હૈદરાબાદના રાજભવનમાં હાર્ડ ડિસ્કની થઈ ચોરી, CCTVમાં ઝડપાયો આરોપી

હૈદરાબાદમાં તેલંગાણાના રાજ્યપાલના સત્તાવાર નિવાસસ્થાન, ઉચ્ચ સુરક્ષાવાળા રાજભવનમાં હાર્ડ ડિસ્કની ચોરીની જાણ થઈ છે, જેનાથી સત્તાવાર સ્તરે મચી ગયો હતો.

સુધર્મ ભવનના પ્રથમ માળે આવેલા કમ્પ્યુટર રૂમમાંથી 4 હાર્ડ ડિસ્ક ચોરી થઈ હતી. આ ઘટનાની જાણ તાજેતરમાં CCTV ફૂટેજ તપાસતી વખતે રાજભવનના અધિકારીઓને થઈ હતી, ત્યારબાદ પંજાગુટ્ટા પોલીસ સ્ટેશનમાં ફરિયાદ નોંધાવવામાં આવી હતી.

પોલીસે તરત જ કેસ નોંધીને તપાસ શરૂ કરી છે. મળતી માહિતી મુજબ, શ્રીનિવાસ નામનો કમ્પ્યુટર હાર્ડવેર એન્જિનિયર, જે કે આઉટસોર્સિંગ હેઠળ કાર્યરત હતો, તે ચોરીમાં સંડોવાયેલો હોવાનું જણાયું છે અને તેની ધરપકડ કરવામાં આવી છે.

ચોરી 14 મેના રોજ થઈ હતી, જયારે શ્રીનિવાસ હેલ્મેટ પહેરીને કમ્પ્યુટર રૂમમાં પ્રવેશ્યો હતો અને 4 હાર્ડ ડિસ્ક ચોરીને લાવ્યો હતો. પોલીસે પૂછપરછ શરૂ કરી છે કે, તેણે આ હાર્ડ ડિસ્ક શા માટે ચોરી અને શું તેના પાછળ બીજાઓ પણ સંડોવાયેલા છે?

જાણવા મળ્યું છે કે, હાર્ડ ડિસ્કમાં મહત્વપૂર્ણ માહિતી અને ફાઈલો હતી, જેને કારણે મામલો વધુ ગંભીર બન્યો છે. ઉલ્લેખનીય છે કે, હંમેશા કડક સુરક્ષા અને CCTV દેખરેખ હેઠળ રહેલા રાજભવનમાં ચોરી થવી, ચિંતાજનક બાબત બની છે.