નકલી e-PANકાર્ડ સ્કેમ: ડિજિટલ યુગની નવી છેતરપિંડી?

ભારત સરકારે નાગરિકોને એક છેતરપિંડી યુક્ત ઈમેલ વિશે ચેતવણી આપી છે જે પ્રેસ ઇન્ફોર્મેશન બ્યુરો (PIB)ના ટેગ સાથે વાયરલ થઈ રહ્યો છે.

ઈમેલમાં પ્રાપ્તકર્તાઓને ખોટી રીતે ‘e-PAN કાર્ડ’ ડાઉનલોડ કરવા માટે કહેવામાં આવે છે. સત્તાવાળાઓએ ચેતવણી આપી છે કે આ સંદેશ સંવેદનશીલ નાણાકીય માહિતી ચોરવા માટે રચાયેલ 'ફિશિંગ' હુમલાનો એક ભાગ છે.

સ્કેમની મોડસ ઓપરેન્ડી

આ નકલી ઈમેલ સત્તાવાર અને વિશ્વાસપાત્ર દેખાવા માટે PIB ના લેબલનો ઉપયોગ કરે છે. વપરાશકર્તાઓને તેમાં આપેલી લિંક પર ક્લિક કરવા અથવા ફાઈલ ડાઉનલોડ કરવા લલચાવવામાં આવે છે.

નિષ્ણાતોના મતે, એકવાર તમે આ લિંક પર ક્લિક કરો અથવા એટેચમેન્ટ ખોલો, તો હુમલાખોરો તમારા ઉપકરણમાં માલવેર ઇન્સ્ટોલ કરી શકે છે અથવા તમારા બેંકિંગ પાસવર્ડ અને પિન જેવી ગુપ્ત વિગતો ચોરી શકે છે.

આયકર વિભાગે સ્પષ્ટતા કરી છે કે તે ક્યારેય ઈમેલ દ્વારા પિન નંબર, પાસવર્ડ અથવા ક્રેડિટ કાર્ડ જેવી ગુપ્ત નાણાકીય માહિતી માંગતું નથી. વિભાગે જણાવ્યું કે, “ઇન્કમ ટેક્સ ડિપાર્ટમેન્ટ ઈમેલ દ્વારા વિગતવાર વ્યક્તિગત માહિતીની વિનંતી કરતું નથી”.

📢Have you also received an email asking you to download e-PAN Card❓#PIBFactCheck

⚠️This Email is #Fake

✅ Do not respond to any emails, links, calls & SMS asking you to share financial & sensitive information

➡ ️Details on reporting phishing E-mails:… pic.twitter.com/aGBodDQAPQ

— PIB Fact Check (@PIBFactCheck) March 8, 2026

જો આવો ઈમેલ આવે તો શું કરવું?

• શંકાસ્પદ ઈમેલનો જવાબ આપશો નહીં.

• ઈમેલમાં આપેલી કોઈપણ લિંક પર ક્લિક કરશો નહીં.

• કોઈપણ એટેચમેન્ટ (જોડાણ) ખોલશો નહીં, કારણ કે તેમાં વાયરસ હોઈ શકે છે.

• તમારા એન્ટી-વાયરસ અને ફાયરવોલ સોફ્ટવેરને હંમેશા અપડેટ રાખો.

રિપોર્ટ ક્યાં કરવો?

જો તમને આવો કોઈ શંકાસ્પદ ટેક્સ સંબંધિત ઈમેલ મળે, તો તેને તરત જ webmanager@incometax.gov.in પર ફોરવર્ડ કરો. આ ઉપરાંત, તેની એક નકલ નેશનલ સાયબર ઇન્સિડન્ટ રિસ્પોન્સ સેન્ટરને incident@cert-in.org.in પર પણ મોકલી શકાય છે. રિપોર્ટ કર્યા પછી, તે ઈમેલને તમારા ઇનબોક્સમાંથી કાયમી માટે ડિલીટ કરી દેવો હિતાવહ છે.