આત્માને શોધીને કરવામાં આવતી દલાઇ લામાની પસંદગી..વાંચો રોચક માહિતી

બૌદ્ધ ધાર્મિક નેતા દલાઈ લામાના ઉત્તરાધિકારીની પસંદગી અંગે ચર્ચા ચાલી રહી છે. જોકે, આ અંગે સત્તાવાર રીતે કંઈ કહેવામાં આવ્યું નથી, પરંતુ ધાર્મિક નેતાએ પોતે તેમના પુસ્તકમાં સંકેત આપ્યો હતો કે જ્યારે તેઓ 90 વર્ષના થશે, ત્યારે તેઓ ઉત્તરાધિકારી વિશે માહિતી આપશે. ખાસ વાત એ છે કે ઉત્તરાધિકારીની પસંદગી ચીન, ભારત અને અમેરિકા માટે પણ મહત્વપૂર્ણ છે.

તિબેટી પરંપરા અનુસાર, જ્યારે કોઈ વરિષ્ઠ બૌદ્ધ સાધુનું મૃત્યુ થાય છે, ત્યારે તેમનો આત્મા પુનર્જન્મ પામે છે. હવે 14મા દલાઈ લામાનો જન્મ 6 જુલાઈ 1935 ના રોજ થયો હતો. તેમનો જન્મ પૂર્વી ઉત્તરી તિબેટમાં એક ખેડૂત પરિવારમાં થયો હતો અને તેમનું નામ લ્હામો થોન્ધુપ રાખવામાં આવ્યું હતું. તેમને તે પુનર્જન્મ આત્મા તરીકે ઓળખવામાં આવ્યા હતા.

ત્યારબાદ તિબેટીયન સરકાર દ્વારા મોકલવામાં આવેલી એક ટીમે ઘણી કડીઓ મેળવ્યા બાદ તેમની ઓળખ કરી હતી. રોઇટર્સના અહેવાલ મુજબ, ટીમે જોયું હતું કે 13મા દલાઈ લામાની વસ્તુઓ જોયા પછી, બાળકે કહ્યું હતું કે આ મારા છે, આ મારા છે. ૧૯૪૦માં, લ્હામો થોન્ડુપને લ્હાસાના પોટાલા પેલેસમાં લઈ જવામાં આવ્યા અને તેમને તિબેટી લોકોના આધ્યાત્મિક નેતા જાહેર કરવામાં આવ્યા.

માર્ચ ૨૦૨૫માં પ્રકાશિત થયેલા પુસ્તક "વોઇસ ફોર ધ વોઇસલેસ" માં, દલાઈ લામા લખે છે કે તેમના ઉત્તરાધિકારી ચીનની બહાર જન્મશે. નિર્વાસિત તિબેટી સંસદે કહ્યું કે નિર્વાસિત સરકારને તેનું કાર્ય ચાલુ રાખવા માટે એક સિસ્ટમ તૈયાર કરવામાં આવી છે. જ્યારે, ગાડેન ફોદ્રાંગ ફાઉન્ડેશનના અધિકારીઓ પાસે તેમના ઉત્તરાધિકારીને શોધવા અને ઓળખવાની જવાબદારી રહેશે.

આ ફાઉન્ડેશનની સ્થાપના વર્ષ ૨૦૧૫માં કરવામાં આવી હતી. તેમના ઘણા વિશ્વાસુઓ આ ફાઉન્ડેશનના વરિષ્ઠ અધિકારીઓ છે.

ચીન કહે છે કે પ્રાચીન સમયથી દલાઈ લામાને પસંદ કરવાનો અધિકાર તેના નેતાઓને છે. આ પરંપરા હેઠળ, સોનાના કળશમાંથી સંભવિત નામો કાઢવામાં આવે છે. તે ૧૭૯૩માં કિંગ રાજવંશ દરમિયાન શરૂ થયું હતું. હવે ઘણા તિબેટીઓને શંકા છે કે ઉત્તરાધિકારી પસંદ કરવાના નામે સમુદાય પર પોતાનો પ્રભાવ વધારવા માટે આ ચીનની ચાલ છે.

ઘણા ભારતીયો દલાઈ લામામાં વિશ્વાસ ધરાવે છે અને અહેવાલ મુજબ, આંતરરાષ્ટ્રીય સંબંધોના ઘણા નિષ્ણાતો માને છે કે ભારતમાં તેમની હાજરી નવી દિલ્હીને ચીન સામે ફાયદો કરાવે છે. તે જ સમયે, અમેરિકાએ પણ વારંવાર કહ્યું છે કે તે તિબેટીઓના માનવ અધિકારોનું રક્ષણ કરવા તૈયાર છે. યુએસ કાયદા નિર્માતાઓએ એમ પણ કહ્યું છે કે તેઓ દલાઈ લામાના ઉત્તરાધિકારીની પસંદગીમાં ચીનને પ્રભાવિત થવા દેશે નહીં.

આ પણ વાંચો--- કર્ણાટક કોંગ્રેસમાં ફરી શરૂ થયો કકળાટઃ સત્તા પરિવર્તનની અટકળો!