આવો, કચ્છ તમારી રાહ જોઇ રહ્યું છે : PM MODI

વડાપ્રધાન નરેન્દ્ર મોદીએ શનિવારે કચ્છમાં આયોજિત રણ ઉત્સવ માટે દેશવાસીઓને આમંત્રણ આપ્યું છે. 1 નવેમ્બર, 2024થી શરૂ થયેલો આ રણ ઉત્સવ ફેબ્રુઆરી 2025 સુધી ચાલશે. પીએમ મોદીએ ઇન્સ્ટાગ્રામ પર એક પોસ્ટ શેર કરતી વખતે ભારપૂર્વક જણાવ્યું કે આ તહેવાર એક અવિસ્મરણીય અનુભવ પ્રદાન કરશે.

ઈન્સ્ટાગ્રામ પર એક પોસ્ટ શેર કરતા વડાપ્રધાન મોદીએ લખ્યું કે, કચ્છ તમારા બધાની રાહ જોઈ રહ્યું છે. આવો, ચાલી રહેલા રણ ઉત્સવ દરમિયાન કચ્છની અદ્ભુત સંસ્કૃતિ અને ઉષ્માભર્યું આતિથ્ય માણીએ. આ તહેવાર તમારા અને તમારા પરિવાર માટે એક અવિસ્મરણીય અનુભવઆપે છે. 

પીએમ મોદીએ બીજો વિડિયો શેર કરતાં લખ્યું કે, "કચ્છની પરંપરા, સંસ્કૃતિ અને વારસાનું પ્રતીક રણ ઉત્સવ દરેકને મંત્રમુગ્ધ કરવા જઈ રહ્યો છે. અદ્ભુત હસ્તકલા બજાર હોય, સાંસ્કૃતિક કાર્યક્રમો હોય કે ખાણીપીણીની પરંપરાઓ, અહીં તમારો દરેક અનુભવ અવિસ્મરણીય બની જશે. હું આપ સૌને એક વાર આ રણ ઉત્સવમાં આપના પરિવાર સાથે પધારવા વિનંતી કરું છું.

ગુજરાતના મુખ્યમંત્રી ભૂપેન્દ્રભાઈ પટેલે પીએમ મોદીની પોસ્ટ શેર કરી છે. તેમણે લખ્યું છે કે, પીએમ મોદીના માર્ગદર્શન હેઠળ કચ્છનું સફેદ રણ વિશ્વ કક્ષાનું પર્યટન સ્થળ બન્યું છે. અહીં આયોજિત રણ ઉત્સવ કુદરતી સૌંદર્ય સાથે કલા અને સંસ્કૃતિનો અદ્ભુત સંગમ છે. રણ ઉત્સવની મુલાકાત લો, તમે પોતે જ કહેશો કે "જો તમે કચ્છ ન જોયું હોય, તો તમે કશું જોયું નથી."

—IANS