છત્તીસગઢના પૂર્વ CM ભૂપેશ બઘેલના નિવાસે EDના દરોડા

છત્તીસગઢના પૂર્વ મુખ્યમંત્રી ભૂપેશ બઘેલના ભિલાઈ સ્થિત નિવાસસ્થાને શુક્રવારે ED દ્વારા દરોડા પાડવામાં આવ્યા હતા. આ કાર્યવાહી તેમના પુત્ર ચૈતન્ય બઘેલ વિરુદ્ધ ચાલી રહેલા મની લોન્ડરિંગ કેસ સંદર્ભમાં કરવામાં આવી છે, જેનો સંબંધ એક અનુમાનિત દારૂ કૌભાંડ સાથે જોડાયેલો છે.

ED એ જણાવ્યું કે, તેમને નવા પુરાવા મળ્યા છે જેની આધારે ભિલાઈ શહેર સ્થિત ઘર પર છાપો મારીને તપાસ હાથ ધરવામાં આવી છે. જોકે, આ ઘરમાં ભૂપેશ બઘેલ અને તેમના પુત્ર ચૈતન્ય બઘેલ એકસાથે રહે છે.

આ કાર્યવાહી મની લોન્ડરિંગ નિવારણ અધિનિયમ (PMLA) હેઠળ કરવામાં આવી છે. નોંધપાત્ર વાત એ છે કે, માર્ચ 2025માં પણ ED એ ચૈતન્ય બઘેલ વિરુદ્ધ આવી જ કાર્યવાહી કરી હતી. તપાસ એજન્સીનું એવું માનવું છે કે, ચૈતન્ય બઘેલ આ દારૂ કૌભાંડના ગેરકાયદેસર નફાના લાભાર્થી છે.

ED મુજબ, આ કૌભાંડના કારણે છત્તીસગઢ સરકારને મોટું આર્થિક નુકસાન થતું હતું અને એક સંચાલિત દારૂ સિન્ડિકેટ દ્વારા 2,100 કરોડ રૂપિયાથી વધુની કાળી કમાણી કરાઈ હતી.

શુક્રવારે સવારે ભૂપેશ બઘેલે સોશ્યલ મીડિયા પ્લેટફોર્મ X (હાલનું Twitter) પર પોસ્ટ કરીને પોતાના ભિલાઈ નિવાસે EDની ટીમ પહોંચવાની માહિતી આપી હતી. તેઓએ જણાવ્યું કે, આ દરોડા છત્તીસગઢ વિધાનસભા સત્રના છેલ્લા દિવસે પડ્યા છે.

જ્યારે રાજ્યમાં વિધાનસભા સત્ર ચાલી રહ્યું છે, ત્યારે આવી કાર્યવાહી થવી છત્તીસગઢની રાજનીતિમાં મોટો વિવાદ ઊભો કરીશકે છે. EDના દાવા મુજબ, કૌભાંડમાં સંડોવાયેલા લોકો એક સંઘઠિત દારૂ સિન્ડિકેટનો હિસ્સો હતા, જેમણે રાજ્યના ખજાનાને નુકસાન પહોંચાડતાં મોટી રકમ કમાઈ હતી.

તપાસ દરમિયાન EDને નવા પુરાવા અને માહિતીની શોધ થઈ છે જેથી સમગ્ર કૌભાંડની ઉંડાણથી તપાસ કરી શકાય. હાલ સુધીમાં કોઈ અંતિમ પરિણામ આવ્યું નથી અને તપાસ ચાલુ છે. ભૂપેશ બઘેલ કે તેમના પુત્ર ચૈતન્ય બઘેલ તરફથી હજુ સુધી કોઈ સત્તાવાર નિવેદન આપવામાં આવ્યું નથી.