ભીમતાલ પાસે બસ ખાઇમાં ખાબકી, 3ના મોત

ઉત્તરાખંડના કુમાઉ સ્થિત ભીમતાલમાં એક મોટો અકસ્માત થયો છે. અહીં અલ્મોડાથી હલ્દવાની આવી રહેલી રોડવેઝની બસ 1500 ફૂટ ઉંડી ખીણમાં પડી હતી. જ્યારે બસ ખાઈમાં ખાબક્યા બાદ બસમાં સવાર 27 લોકો બસમાંથી બહાર નીકળી આવ્યા  આ દુર્ઘટનામાં અત્યાર સુધીમાં 3 લોકોના મોતની પુષ્ટિ કરવામાં આવી છે, કેટલાક લોકો ગંભીર રીતે ઘાયલ છે. હાલ બચાવ કામગીરી ચાલી રહી છે. પોલીસ અને પ્રશાસન ઘટનાસ્થળે હાજર છે.

નૈનીતાલના ભીમતાલમાં રોડવેઝની બસ ખાઈમાં પડતાં અનેક લોકો ઘાયલ થયા છે. એસએસપી નૈનીતાલ પ્રહલાદ મીણાએ જણાવ્યું કે રાહત ટીમ ઘટનાસ્થળે મોકલવામાં આવી છે. મુખ્યમંત્રી પુષ્કર ધામીએ પણ આ ઘટના પર શોક વ્યક્ત કર્યો હતો. સીએમ ધામીએ ટ્વિટર પર પોસ્ટ કર્યું, કે ભીમતાલ પાસે બસ દુર્ઘટનાના સમાચાર અત્યંત દુઃખદ છે. સ્થાનિક વહીવટીતંત્રને તાત્કાલિક રાહત અને બચાવ કામગીરી માટે નિર્દેશ આપવામાં આવ્યો છે. તમામ મુસાફરોની સુરક્ષા માટે હું બાબા કેદારને પ્રાર્થના કરું છું.