એર ઇન્ડિયાની વધુ એક ફ્લાઈટમાં ખામી સર્જાઈ છે. જયપુર થી મુંબઈ જઈ રહેલી ફ્લાઈટમાં ટેકનિકલ ખામી સર્જાવાના કારણે જયપુરમાં જ ઈમરજન્સી લેન્ડિંગ કરવામાં આવ્યું હતું. ફ્લાઈટ નંબર -AI-612 જયપુર એરપોર્ટ પરથી 2 વાગે ટેકઓફ થયું હતું. ત્યાર બાદ તે ફ્લાઈટમાં ટેકનિકલ ખામી સર્જાઈ હતી. જેના કારણે ટેકઓફની 18 મિનીટમાં જયપુર એરપોર્ટ પર ઈમરજન્સી લેન્ડીંગ કરવામાં આવ્યું હતું&nbsp;&nbsp;
વિમાનની તપાસ શરૂ કરવામાં આવી :&nbsp;
પાયલટે એર ઈન્ડિયાની ફ્લાઈટનું સુરક્ષિત લેન્ડીંગ કરી લીધું હતું. જેના કારણે તમામ મુસાફરો સુરક્ષિત છે. વિમાનના લેન્ડીંગ બાદ તુરંત &nbsp;એરપોર્ટનો સ્ટાફ દોડી આવ્યો હતો. વિમાનની ટેકનિકલ તપાસ શરૂ કરવામાં આવી છે. એર ઇન્ડિયા અને એરપોર્ટ ઓથોરીટીની ટીમેં ટેકનિકલ કારણોની તપાસ શરૂ કરી દીધી છે.&nbsp;
પાયલટની સુચકતાને કારણે મોટી દુર્ઘટના ટળી :&nbsp;
ફ્લાઈટ ઈમરજન્સી લેન્ડીંગ કરવાની નોબત આવતા તમામ પ્રવાસીઓમાં ચિંતા થવા લાગી હતી. ત્યાર બાદ પાયલોટે સુરક્ષિત લેન્ડીંગ કરતા તમામ મુસાફરોમાં હાશકરો લીધો હતો. આમ આ રીતે પાયલોટની સમયસુચકતાના કારણે મોટી દુર્ઘટના ટળી હતી. ત્યારે બીજી તરફ એર ઇન્ડિયા દ્વારા તમામ પ્રવાસીઓને &nbsp;વૈકલ્પિક ફ્લાઇટની વ્યવસ્થા કરવાની પ્રક્રિયા શરુ કરી દીધી છે.
&nbsp;

18 મિનીટમાં જયપુર એરપોર્ટ પર ઈમરજન્સી લેન્ડીંગ કરવામાં આવ્યું હતું

July 25, 2025 | 18:37 IST