બેંગલુરુ આત્મહત્યા કેસમાં અતુલની પત્ની સહિત 3ની ધરપકડ

બેંગલુરુના 34 વર્ષીય એન્જિનિયર અતુલ સુભાષના મૃત્યુ પછી, બેંગલુરુ પોલીસે હવે અતુલની પત્નીની ધરપકડ કરી છે અને તેને ન્યાયિક કસ્ટડીમાં મોકલી છે. પ્રાપ્ત માહિતી અનુસાર, અતુલની પત્ની નિકીતા સિંઘાનિયા, તેની માતા અને ભાઈ સાથે ગુરુગ્રામથી ધરપકડ કરવામાં આવી હતી. તેમને બેંગલુરુ લઈ જવામાં આવ્યા હતા અને કોર્ટમાં રજૂ કરવામાં આવ્યા હતા. એન્જિનિયર અતુલ સુભાષના મૃત્યુ પછી, તેમની પત્ની અને તેમના પરિવારના ત્રણ સભ્યોએ આત્મહત્યા માટે ઉશ્કેરવાના આરોપમાં નોંધાયેલી એફઆઈઆરના સંબંધમાં શુક્રવારે અલ્હાબાદ હાઈકોર્ટમાં આગોતરા જામીન માટે અરજી કરી હતી.

 

તમને જણાવી દઈએ કે, અતુલ સુભાષે 24 પાનાની સુસાઈડ નોટ અને એક વીડિયો ક્લિપ છોડી છે, જેમાં તેણે પોતાની પત્ની અને તેના સંબંધીઓ પર ઉત્પીડનનો આરોપ લગાવ્યો છે. તેણે આરોપ લગાવ્યો છે કે તેની પત્ની નિકિતા, તેની માતા નિશા, તેના ભાઈ અનુરાગ અને કાકા સુશીલ સિંઘાનિયાએ છૂટાછેડા, ભરણપોષણ અને બાળકની કસ્ટડી અંગે જૌનપુર ફેમિલી કોર્ટમાં ચાલી રહેલા કેસ દરમિયાન તેને હેરાન કર્યો છે. બેંગલુરુ પોલીસે અતુલ સુભાષના ભાઈ વિકાસ કુમારની ફરિયાદના આધારે FIR નોંધી હતી. FIRના જવાબમાં આરોપીએ શુક્રવારે આગોતરા જામીન અરજી દાખલ કરી હતી. આ અરજી પર આ સપ્તાહના અંતમાં સુનાવણી થઈ શકે છે.