"દેશમાં અંગ્રેજી બોલનારાઓને ટૂંક સમયમાં શરમ આવશે, આવા સમાજનું નિર્માણ દૂર નથી": અમિત શાહ

ભારત બહુભાષિય દેશ છે. દેશમાં કુલ 121 જેટલી ભાષાઓ છે. ભારતીય ભાષાઓના મહત્વ પર ભાર મુકતાં કેન્દ્રીય ગૃહમંત્રી અમિત શાહે કહ્યું કે ભારતનો ભાષાકીય વારસો પાછો મેળવવાનો અને માતૃભાષાઓમાં ગર્વ સાથે વિશ્વનું નેતૃત્વ કરવાનો સમય આવી ગયો છે. 

ભૂતપૂર્વ IAS આશુતોષ અગ્નિહોત્રીના પુસ્તક, 'મેં બૂંદ સ્વયં, ખુદ સાગર હું'ના વિમોચન પ્રસંગે અમિત શાહે કહ્યું, ''આ દેશમાં જેઓ અંગ્રેજી બોલે છે તેઓ ટૂંક સમયમાં શરમ અનુભવશે, આ સમાજનું નિર્માણ દૂર નથી. ફક્ત દ્રઢ લોકો જ આ પરિવર્તન લાવી શકે છે. આપના દેશની ભાષાઓ આપની સંસ્કૃતિના રત્નો છે. ભાષા વિના ખરેખર આપણે ભારતીય રહી શકતા નથી.'' 

વધુમાં અમિત શાહે ઉમેર્યું, ''આપણો દેશ, સંસ્કૃતિ, ઇતિહાસ, અને આપણાં ધર્મને સમજવા માટે કોઈ પણ વિદેશી ભાષા પૂરતી નથી. સંપૂર્ણ ભારતનો વિચાર અડધી વિદેશી ભાષા દ્વારા કલ્પના કરી શકાતી નથી. ફરી એકવાર આત્મસન્માન સાથે, દેશને આપણી પોતાની ભાષામાં ચલાવીશું અને વિશ્વનું નેતૃત્વ પણ કરીશું. 

PM મોદી દ્વારા ઘડવામાં આવેલ 'પંચ પ્રણ' ની રૂપરેખા આપતા શાહે જણાવ્યું કે, ''વિકસિત ભારતનું લક્ષ્ય પ્રાપ્ત કરવું, ગુલામીના દરેક નિશાનથી મુક્તિ મેળવવી, આપણા વરસા પર ગર્વ કરવો, એકતા અને એકતા માટે પ્રતિબદ્ધ રહેવું અને દરેક નાગરિકમાં કર્તવ્યની ભાવના જગાવવી- આ પાંચ પ્રતિજ્ઞાઓ 130 કરોડ લોકોના સંકલ્પ બની ગયા છે. અને 2047 સુધીમાં આપણે શિખર પર હોઈશું અને આપની ભાષાઓ આ યાત્રામાં મુખ્ય ભૂમિકા ભજવશે.''