Hyderabad : પાકિસ્તાન સામે ઓવૈસીનો આક્રોશ, પાકિસ્તાનને ઘરમાં ઘૂસીને જવાબ આપો!

પહલગામ આતંકવાદી હુમલા પછી ભારત અને પાકિસ્તાન વચ્ચે તણાવ ખૂબ વધી ગયો છે. આ દરમિયાન AIMIM ચીફ અસદુદ્દીન ઓવૈસીએ પાકિસ્તાન વિરુદ્ધ સખત કાર્યવાહીની માંગ કરી છે. ઓવૈસીએ કહ્યું કે, આ વખતે ઘરમાં ઘૂસીને મારવું નહીં પરંતુ ઘરમાં ઘૂસીને બેસી જવું. વારંવાર આતંકવાદી હુમલા ન થવા જોઈએ. ઓવૈસીએ કહ્યું કે, ભાજપ કહે છે 'ઘરમાં ઘૂસીને મારીશું'. જો તમે (કેન્દ્ર સરકાર) આ વખતે (પાકિસ્તાન વિરુદ્ધ) કાર્યવાહી કરી રહ્યા છો, તો 'ઘરમાં ઘૂસીને બેસી જવું'. આ ભારતીય સંસદનો સંકલ્પ છે કે POK આપણું છે. તમામ વિપક્ષી દળો સરકારને કહી રહ્યા છે કે આતંકવાદનો ખાતમો થવો જોઈએ..."

આ પહેલા પણ અસદુદ્દીન ઓવૈસીએ પહલગામમાં તાજેતરમાં થયેલા આતંકવાદી હુમલાને લઈને પાકિસ્તાન પર તીખો હુમલો કર્યો હતો. તેમણે કહ્યું હતું કે, ભારત સરકાર પાકિસ્તાન વિરુદ્ધ કડક એક્શન લે. સરકારના દરેક નિર્ણયનું તેમની પાર્ટી સમર્થન કરશે.

જાતિ જનગણના પર કહી આ વાત...

જાતિગત જનગણના પર વાત કરતા હૈદરાબાદના સાંસદે કહ્યું કે, જાતિ જનગણના (કાસ્ટ સેન્સસ) થવી જરૂરી છે જેથી કઈ જાતિ કેટલી વિકસિત થઈ છે તેનો ખ્યાલ આવશે. ભાજપની ટીકા કરતા તેમણે કહ્યું કે, જ્યારે આ અંગે વાત થઈ ત્યારે તમારા મોટા મોટા નેતાઓ 'વહેંચાશો તો કપાશો' ના નારા આપતા રહ્યા. પછાત મુસ્લિમોની વાત ભાજપ કરે છે, પરંતુ તેમના માટે શું કર્યું તે સમય મર્યાદા જણાવવી જોઈએ.

ઓવૈસીએ ભાજપને પૂછ્યા આ સવાલ...

અસદુદ્દીન ઓવૈસીએ ગુરુવારે જાતિ જનગણનાના તાત્કાલિક અમલીકરણ પર ભાર મૂક્યો અને જાણવા માંગ્યું કે 2029 ની સંસદીય ચૂંટણી પહેલા રિપોર્ટ ઉપલબ્ધ થશે કે નહીં. તેમણે કહ્યું કે, જાતિ જનગણના થવી જોઈએ જેથી ખ્યાલ આવે કે કઈ જાતિ વિકસિત છે અને કઈ જાતિ અવિકસિત. આ દેશમાં સકારાત્મક કાર્યવાહી અને ન્યાય માટે ખૂબ જ મહત્વપૂર્ણ છે, કારણ કે તમે OBC ના અનામતને માત્ર 27 ટકા પર રોકી દીધું છે, તે પૂરતું નથી..." ઓવૈસીએ જાતિ જનગણના માટે સરકારની ઈચ્છાશક્તિ અને સમયમર્યાદા પર પણ સવાલ ઉઠાવ્યા. તેમણે કહ્યું કે, "અમે ભાજપને જાણવા માંગીએ છીએ કે તમે તેને ક્યારે શરૂ કરશો અને ક્યાં સુધીમાં પૂર્ણ કરશો.

કેરળમાં આયોજિત RSS ની એક બેઠકના રિપોર્ટનો ઉલ્લેખ કરતા ઓવૈસીએ કહ્યું, "કેરળમાં RSS ની એક બેઠક થઈ હતી, તે બેઠકમાં પણ તેમણે જાતિ જનગણના કરાવવાની વાત કરી હતી. અમે જાણવા માંગીએ છીએ કે સરકાર જનગણના ક્યારે શરૂ કરશે અને તે ક્યારે પૂરી થશે અને તેનો ડેટા દેશ સમક્ષ ક્યારે રજૂ કરવામાં આવશે.