ઝડપથી ચાલવાથી મેટાબોલિક ડિસીઝ સંબંધિત રોગોથી બચી શકાય છે: સંશોધન

નવી દિલ્હી: એક રિસર્ચમાં સામે આવ્યું છે કે ઝડપથી ચાલવાથી એ નક્કી કરી શકાય છે કે મેદસ્વીતાને કારણે વ્યક્તિને કોઈ સ્વાસ્થ્ય સમસ્યા છે કે નહીં.

સાયન્ટિફિક રિપોર્ટ્સ જર્નલમાં પ્રકાશિત થયેલા એક અભ્યાસમાં ખુલાસો થયો છે કે ઝડપી ગતિએ ચાલવાથી મેદસ્વી લોકોમાં મેટાબોલિક ડિસીઝ સંબંધિત બીમારીઓથી બચી શકાય છે. ગતિશીલતા વધારવામાં મદદ કરવા સાથે, તે નબળા સ્વાસ્થ્યને પણ સૂચવી શકે છે. અગાઉના અભ્યાસો એ સૂચવ્યું છે કે, ધીમે-ધીમે ચાલવાથી વૃદ્ધોમાં કાર્ડિયોવેસ્ક્યુલર રોગો અને મૃત્યુદર થવાનું જોખમ વધે છે.

જાપાનની દોશિશા યુનિવર્સિટીના સંશોધકો દ્વારા હાથ ધરવામાં આવેલા અભ્યાસમાં મેદસ્વી વ્યક્તિઓમાં ચાલવાની ગતિ અને મેટાબોલિક રોગ વચ્ચેના જોડાણની શોધ કરવામાં આવી હતી. વ્યક્તિ તેના સાથીદારોની તુલનામાં તેની ચાલવાની ઝડપને કેવી રીતે સમજે છે તેનું મૂલ્યાંકન કરવું ઉપયોગી છે. તે સ્વાસ્થ્ય માટે એક મહત્વપૂર્ણ સાધન બની શકે છે.

યુનિવર્સિટીના પ્રોફેસર કોજીરો ઈશીએ કહ્યું, "આ સંશોધનથી એ સ્પષ્ટ થાય છે કે જો કોઈ વ્યક્તિ મેદસ્વીપણાથી પીડિત હોય અને મેટાબોલિક રોગોથી ઘેરાયેલો હોય, જો તે તેની ચાલવાની ઝડપ વધારે રાખે તો તેને હાઈ બ્લડ પ્રેશર, ડાયાબિટીસ અને ડિસલિપિડેમિયા થવાની શક્યતા ઓછી હોય છે."

અભ્યાસો અનુસાર, જે વ્યક્તિઓ ઝડપથી ચાલે છે તેઓ વધુ ફિટ હોઈ શકે છે અને મેટાબોલિક રોગોનું જોખમ ઓછું હોય છે.

ટીમે જણાવ્યું હતું કે, ઝડપી ચાલવાથી કાર્ડિયોવેસ્ક્યુલર સિસ્ટમની જાળવણી થાય છે અને બળતરા અને ઓક્સિડેટીવ તણાવના સ્તરને પણ ઘટાડે છે, જે મેટાબોલિક રોગોના બે મુખ્ય કારણો છે.

—IANS