HMVP વાયરસને લઇને આરોગ્ય મંત્રીનું નિવેદન, કહ્યું સરકાર સતર્ક

ચીનના HMPV વાઇરસનો ગુજરાતમાં પ્રથમ કેસ નોંધાયો છે. અમદાવાદમાં 2 મહિનાના બાળકનો રિપોર્ટ પોઝિટિવ આવતા તેને ચાંદખેડાની ખાનગી હોસ્પિટલમાં સારવાર આપવામાં આવી રહી છે.બીજી તરફ વડોદરાની મુલાકાતે આવેલા રાજ્યના આરોગ્ય મંત્રી રુષીકેશ પટેલે કહ્યું કે અત્યારે મને આ મામલાની જાણ નથી પણ HMVP વાયરસને લઇને કેન્દ્ર અને રાજ્ય સરકાર જાગૃત છે અને લક્ષણો પ્રમાણે આની સારવાર થશે તથા આની ટેસ્ટ કીટની વ્યવસ્થા સરકાર બે ત્રણ દિવસમાં કરી લેશે

HMVP વાયરસને લઇને આરોગ્ય મંત્રીનું નિવેદન આવ્યું છે. આરોગ્ય મંત્રી રુષીકેશ પટેલે વડોદરામાં કહ્યું હતું કે  અમદાવાદમાં બાળકીનો HMVP કેસ પોઝીટીવ આવ્યો છે પણ મને આ મામલાની અત્યારે જાણ નથી.તેમણે કહ્યું કે કોરોના વાયરસના પ્રોટોકોલ મુજબ જ આ વાયરસની પણ સારવાર થશે. 

તેમણે કહ્યું કે HMVP વાયરસને લઇને કેન્દ્ર અને રાજ્ય સરકાર જાગૃત છે તથા લક્ષણો પ્રમાણે આની સારવાર થશે. આની ટેસ્ટ કીટની વ્યવસ્થા સરકાર બે ત્રણ દિવસમાં કરી લેશે.

તેમણે એમ પણ કહ્યું કે  લોકોએ ગભરાવાની જરૂર નથી જરૂર પડ્યે શું કરવું અને શું ન કરવું તે અંગેની ગાઇડલાઈન નક્કી કરાશે 

સમગ્ર દુનિયામાં જે રીતે કોવીડ ફેલાયો હતો તેને સરકારે કંટ્રોલ કર્યો હતો  અને HMVP વાયરસ પણ વધુ નુકશાન ન કરે તેની સરકારની તૈયારી છે તેમ તેમણે કહ્યું હતું.