સેહવાગને પત્ની સાથે શું વાંધો પડયો??

ચહલ અને ધનશ્રી ના અલગ થવાના સમાચાર વચ્ચે, હવે ક્રિકેટ જગતમાંથી વધુ એક ચોંકાવનારા સમાચાર સામે આવી રહ્યા છે. અહેવાલો મુજબ ભૂતપૂર્વ ભારતીય ક્રિકેટર વીરેન્દ્ર સહેવાગ 20 વર્ષના લગ્નજીવન પછી તેમની પત્ની આરતી અહલાવતથી અલગ થઈ શકે છે. આ સમાચાર ચાહકો માટે આશ્ચર્યજનક છે અને ક્રિકેટરોના વ્યક્તિગત જીવન અંગે અનેક પ્રશ્નો ઉભા કરે છે. જો કે, આ અંગે હજી સુધી કોઈ સત્તાવાર પુષ્ટિ કરવામાં આવી નથી.

વીરેન્દ્ર સેહવાગે છેલ્લે 2023માં પોતાની પત્ની અંગે સોશિયલ મીડિયા પર પોસ્ટ કરી હતી. 28 એપ્રિલના રોજ, દુબઈના ફોટો સાથે તેમણે લખ્યું હતું, "જીવવા અને સપનાં જોવા વચ્ચે ક્યાંક." વધુમાં, 2023માં તેમણે લગ્નની વર્ષગાંઠ પર કોઈ પોસ્ટ નથી કરી. અગાઉ તે નિયમિત રીતે આરતી સાથેની તસવીરો શેર કરતા, પણ હવે આ બંધ થઈ ગયું છે. તાજેતરમાં બંનેએ ઇન્સ્ટાગ્રામ પર એકબીજાને અનફોલો કર્યું હોવાના સમાચાર છે. જોકે, આરતીની પ્રોફાઇલ પર હજુ પણ સેહવાગનું નામ દેખાય છે.આપને જણાવી દઇએ કે બંને બાળપણથી એકબીજાને જાણે છે અને 17 વર્ષના પરિચય બાદ 2004માં લગ્ન કર્યા હતા.