રોહિત શર્માએ નિવૃત્તી લેવાના મામલે આખરે આ સ્ફોટક ખુલાસો કરી જ દીધો

ભારત અને ઓસ્ટ્રેલિયા વચ્ચે રમાઈ રહેલી પાંચ મેચોની ટેસ્ટ શ્રેણીની છેલ્લી મેચ સિડનીમાં રમાઈ રહી છે. આ મેચ પહેલા ભારતીય ક્રિકેટ ટીમમાં મોટો ફેરફાર જોવા મળ્યો હતો. વાસ્તવમાં, ટીમનો કેપ્ટન રોહિત શર્મા પ્લેઇંગ 11માંથી બહાર હતો અને જસપ્રિત બુમરાહે કમાન સંભાળી હતી. ત્યારથી, રોહિતની હકાલપટ્ટીના કારણ અને તેની નિવૃત્તિ અંગે ચર્ચાઓનું બજાર ગરમ થઈ ગયું અને દરેક વ્યક્તિએ રોહિતની હકાલપટ્ટી પર પોતપોતાના મંતવ્યો આપવાનું શરૂ કર્યું.

રોહિતે અત્યાર સુધી આ અંગે મૌન જાળવી રાખ્યું હતું પરંતુ તે સિડની ટેસ્ટના બીજા દિવસે મીડિયાની સામે આવ્યો હતો અને સ્ટાર સ્પોર્ટ્સ સાથેની મુલાકાતમાં આખી તસવીર સાફ કરી હતી. રોહિત શર્માએ સ્પષ્ટ કર્યું હતું કે સિડની ટેસ્ટ મેચ પહેલા તેને બહાર કરવામાં આવ્યો ન હતો પરંતુ તે તેનો પોતાનો નિર્ણય હતો. તે સતત રન ન બનાવવાથી ચિંતિત હતો અને તેથી જ તેણે પોતે કોચને પોતાની સમસ્યા જણાવી. જે બાદ ટીમ મેનેજમેન્ટે તેની વિનંતી સ્વીકારી અને તે પોતે મેચમાંથી બહાર થઈ ગયો.

રોહિત શર્માએ સિડની ટેસ્ટમાંથી બહાર થવા પાછળનું કારણ જણાવતા કહ્યું કે તે પ્રયાસ કરી રહ્યો હતો પરંતુ તે સતત રન બનાવી રહ્યો નથી  અને ટીમમાં પહેલાથી જ કેટલાક એવા બેટ્સમેન છે જેમનું બેટ સારું પરફોર્મ નથી કરી રહ્યું. ઘણા બધા આઉટ ઓફ ફોર્મ ખેલાડીઓ સાથે ચાલુ રાખવું પડે તેથી મેં મને એવા ખેલાડી સાથે બદલવાનું નક્કી કર્યું જેનું ફોર્મ સારું છે. રોહિતે એ પણ જણાવ્યું કે તેણે આ નિર્ણય 1 જાન્યુઆરી 2025ના રોજ જ લીધો હતો.

આ ઈન્ટરવ્યુમાં રોહિત શર્માએ નિવૃત્તિને લઈને ચાલી રહેલી અફવાઓ પર પણ પૂર્ણવિરામ મૂક્યું છે. તેણે સ્પષ્ટ કર્યું છે કે હાલમાં નિવૃત્તિ લેવાની કોઈ યોજના નથી અને સિડની ટેસ્ટમાંથી તેને બાકાત રાખવાને સંકેત તરીકે જોવું જોઈએ નહીં કે તેણે તેની કારકિર્દી સમાપ્ત કરવાનો નિર્ણય લીધો છે. તેના કહેવા પ્રમાણે, હાલમાં તે આવનારા 6 મહિના વિશે વિચારી રહ્યો નથી, તેનું ધ્યાન માત્ર આ સિરીઝ પર છે. તેણે કહ્યું, 'મારો રમત છોડવાનો ઈરાદો નથી. હું માત્ર ફોર્મમાં ન હોવાને કારણે બહાર છું. તમને ખબર નથી કે ભવિષ્યમાં શું થશે. હું સ્કોર કરવાનું શરૂ કરી શકું છું, કદાચ નહીં, પરંતુ મને વિશ્વાસ છે કે હું બાઉન્સ બેક કરી શકીશ.