પાકિસ્તાનનું શરમજનક કૃત્ય, કરાચી સ્ટેડિયમમાં ભારતનો ધ્વજ ન ફરકાવ્યો, Video Viral

ચેમ્પિયન્સ ટ્રોફીમાં BCCI અને પાકિસ્તાન ક્રિકેટ બોર્ડ (PCB) વચ્ચેના સંઘર્ષમાં હવે એક નવો વળાંક જોવા મળ્યો છે. ICC ચેમ્પિયન્સ ટ્રોફીના યજમાન પાકિસ્તાને લાહોરના ગદ્દાફી સ્ટેડિયમમાં ભારતીય ધ્વજ ફરકાવ્યો ન હતો. કોઈપણ ટુર્નામેન્ટના યજમાન દેશ માટે બધી ટીમોના ધ્વજ ફરકાવવા ફરજિયાત છે, પરંતુ તેમ છતાં, ભારતીય ધ્વજ સિવાય તમામ સાત દેશોના ધ્વજ લાહોરમાં ફરકાવવામાં આવ્યા હતા. પાકિસ્તાનના આ ઘૃણાસ્પદ કૃત્યનો વીડિયો સોશિયલ મીડિયા પર વાયરલ થઈ રહ્યો છે.

લાંબા સમય પછી પાકિસ્તાનમાં ICC ટુર્નામેન્ટનું આયોજન...

PCB દ્વારા આ વીડિયો રિલીઝ થતાંની સાથે જ ચાહકોએ તેમાં PCB ના કાળા કાર્યોનો પર્દાફાશ કર્યો. ચાહકોએ તરત જ દાવો કર્યો કે પાકિસ્તાને આ જાણી જોઈને કર્યું કારણ કે ભારતે પાકિસ્તાન જવાનો ઇનકાર કર્યો હતો.

તમને જણાવી દઈએ કે 8 વર્ષના લાંબા ગાળા પછી, પાકિસ્તાનમાં ICC ટુર્નામેન્ટ પરત ફરી રહી છે. આ દેશમાં છેલ્લે 1996 માં ICC ટુર્નામેન્ટનું આયોજન થયું હતું. પાકિસ્તાને 2017 માં ભારતને હરાવીને ટ્રોફી જીતી હતી.

બંને વચ્ચે લાંબા સમયથી ગતિરોધ ચાલુ...

નોંધનીય છે કે, PCB અને BCCI વચ્ચે લાંબા સમયથી મડાગાંઠ ચાલી રહી છે. BCCI એ સ્પષ્ટ કર્યું કે, ભારત સરકારે તેમને પરવાનગી આપવાનો ઇનકાર કર્યો હોવાથી, ભારતીય ક્રિકેટ ટીમ ટુર્નામેન્ટ રમવા માટે પાકિસ્તાન જશે નહીં. લાંબી વાટાઘાટો પછી, બંને પક્ષો આખરે સંમત થયા કે ભારત તેની બધી મેચો તટસ્થ સ્થળ એટલે કે દુબઈમાં રમશે.