IPL 2026 ટ્રેડ: જાડેજા RRમાં, સેમસન CSKમાં!

ઇન્ડિયન પ્રીમિયર લીગ (IPL) 2026ના ઓક્શન પહેલાં ફ્રેન્ચાઇઝીસ દ્વારા ખેલાડીઓને રીટેન કરવાની ડેડલાઇન પૂર્ણ થવાના કલાકો પહેલાં, લીગ દ્વારા કેટલાક મોટા ટ્રેડ ડીલ્સની સત્તાવાર જાહેરાત કરવામાં આવી છે. આ ટ્રેડ ડીલ્સમાં કેટલાક દિગ્ગજ ખેલાડીઓનો સમાવેશ થાય છે, જેના કારણે ટીમોનું બેલેન્સ બદલાય તેવી શક્યતા છે.

જાડેજા-સેમસન વચ્ચેનો મેગા ટ્રેડ કન્ફર્મ

સૌથી મોટા અને આશ્ચર્યજનક ટ્રેડમાં, ચેન્નઈ સુપર કિંગ્સ (CSK)ના લેજન્ડરી ઓલરાઉન્ડર રવીન્દ્ર જાડેજા હવે રાજસ્થાન રોયલ્સ (RR) તરફથી રમશે. જાડેજાને RRના નિયમિત કેપ્ટન સંજુ સેમસનના બદલે ટ્રેડ કરવામાં આવ્યો છે.

🚨 NEWS 🚨#TATAIPL 2026 - Player Trade updates

🧵 A look at all the trades ahead of today's retention deadline 🙌

Details of all trades ▶️ https://t.co/wLTQBlcame pic.twitter.com/OfmEpSM4Bi

— IndianPremierLeague (@IPL) November 15, 2025

આ ટ્રેડ ડીલની વિગતો નીચે મુજબ છે:

• રવીન્દ્ર જાડેજા: CSKમાંથી RRમાં. તેમની લીગ ફી હવે ₹18 કરોડથી ઘટીને ₹14 કરોડ થઈ છે.

• સંજુ સેમસન: RRમાંથી પાંચ વખતના ચેમ્પિયન CSKમાં. તેમની હાલની લીગ ફી ₹18 કરોડ જાળવી રાખવામાં આવી છે.

• સેમ કરન: ઇંગ્લેન્ડના સ્ટાર ઓલરાઉન્ડર સેમ કરનનો ટ્રેડ CSKમાંથી RRમાં ₹2.4 કરોડમાં થયો છે.

જાડેજા માટે આ 'ઘર વાપસી' સમાન છે, કારણ કે તેણે પોતાની IPL કારકિર્દીની શરૂઆત રાજસ્થાન રોયલ્સ સાથે કરી હતી. આ વાપસીને તેણે ખૂબ જ ઇમોશનલ મોમેન્ટ ગણાવી છે. બીજી તરફ, RRના 11 વર્ષ સુધી ચહેરો રહેલા સંજુ સેમસન હવે CSKની પીળી જર્સીમાં દેખાશે.

खम्मा घणी💖💖💖@imjadeja pic.twitter.com/gJ08dN4N7k

— Rivaba Ravindrasinh Jadeja (@Rivaba4BJP) November 15, 2025

અન્ય મહત્ત્વપૂર્ણ ટ્રેડ ડીલ્સ

આ મેગા ટ્રેડ ઉપરાંત, અન્ય કેટલાક મહત્ત્વપૂર્ણ ખેલાડીઓએ પણ પોતાની ફ્રેન્ચાઇઝી બદલી છે:

• મોહમ્મદ શમી: સિનિયર ફાસ્ટ બોલર સનરાઇઝર્સ હૈદરાબાદ (SRH)માંથી લખનઉ સુપર જાયન્ટ્સ (LSG)માં ગયો છે.

• અર્જુન તેંડુલકર: યુવા ખેલાડી મુંબઈ ઇન્ડિયન્સ (MI)માંથી લખનઉ સુપર જાયન્ટ્સ (LSG)માં જોડાશે.

• મયંક માર્કન્ડે: સ્પિનર મયંક માર્કન્ડે કોલકાતા નાઇટ રાઇડર્સ (KKR) છોડીને મુંબઈ ઇન્ડિયન્સ (MI)માં જોડાયો છે.

• નીતિશ રાણા: મિડલ ઓર્ડરના બેટ્સમેન નીતિશ રાણાને રાજસ્થાન રોયલ્સે ₹4.2 કરોડમાં દિલ્હી કેપિટલ્સ (DC)માં ટ્રેડ કર્યો છે.

• ડોનોવન ફરેરા: રાજસ્થાને ડોનોવન ફરેરાને DCમાંથી ₹1 કરોડની સુધારેલી લીગ ફી પર પોતાના સ્કવોડમાં સામેલ કર્યો છે.

આ તમામ ટ્રેડ ડીલ્સ IPL 2026ના ઓક્શન માટે ફ્રેન્ચાઇઝીઓની વ્યૂહરચનામાં મોટો બદલાવ લાવી શકે છે.