IPL 2025: આ વખતે મેગા ઓક્શન સાઉદી અરેબિયાની રાજધાની 'રિયાધ'માં

  IANSને સોમવારે સૂત્રો પાસેથી જાણવા મળ્યું હતું કે  ઇન્ડિયન પ્રીમિયર લીગ (IPL) 2025 મેગા હરાજી આ મહિનાના અંતમાં રિયાધમાં યોજાય તેવી શક્યતા છે, "અધિકારીઓ સ્થળ અને તારીખોને અંતિમ રૂપ આપવા માટે ત્યાં ગયા છે, ટૂંક સમયમાં જાહેરાત કરવામાં આવી શકે છે,   તમામ 10 ફ્રેન્ચાઇઝીઓએ IPL 2025 માટે તેમના રિટેન કરાયેલા ખેલાડીઓની યાદી જાહેર કરી હોવાથી, હવે તમામ ધ્યાન નવેમ્બરના અંતમાં યોજાનારી આગામી મેગા હરાજી પર કેન્દ્રિત છે.   25 ખેલાડીઓની ટીમ બનાવવા માટે દરેક ટીમ માટે મેગા ઓક્શનમાં 120 કરોડ રૂપિયાની કુલ સેલરી કેપ ઉપલબ્ધ છે,ફ્રેન્ચાઈઝીને વધુમાં વધુ પાંચ કેપ્ડ ઈન્ટરનેશનલ અને બે અનકેપ્ડ ભારતીય ખેલાડીઓ સાથે છ ખેલાડીઓ (રિટેન્શન/રાઈટ ટુ મેચ) જાળવી રાખવાની મંજૂરી આપવામાં આવી હતી.     ગઈ વખતની ડિફેન્ડિંગ ચેમ્પિયન કોલકાતા નાઈટ રાઈડર્સ અને પ્રારંભિક સીઝનની ચેમ્પિયન રાજસ્થાન રોયલ્સે  છ ખેલાડીઓને સુરક્ષિત કરીને સંપૂર્ણ રીટેન્શન પસંદ કર્યું છે. પાંચ ટીમો- ચેન્નઈ સુપર કિંગ્સ, ગુજરાત ટાઇટન્સ, લખનૌ સુપર જાયન્ટ્સ, મુંબઈ ઈન્ડિયન્સ અને સનરાઈઝર્સ હૈદરાબાદે- પાંચ ખેલાડીઓને રિટન કર્યા છે. જ્યારે  દિલ્હી કેપિટલ્સ, રોયલ ચેલેન્જર્સ બેંગલુરુ અને પંજાબ કિંગ્સ (PBKS) એ અનુક્રમે ચાર, ત્રણ અને બે ખેલાડીઓને જાળવી રાખ્યા છે.  રૂ. 110.5 કરોડ રૂપિયાની સાથે પંજાબ કિંગ્સ સૌથી મોટા પર્સ સાથે અત્યંત અપેક્ષિત એક્શનથી ભરપૂર મેગા હરાજીમાં ભાગ લેશે.