ભારત ઓલિમ્પિક ગેમ્સનું આયોજન કરવા સક્ષમ છેઃ દીપક હુડ્ડા

  અર્જુન એવોર્ડ મેળવનાર અને ભારતીય કબડ્ડી ટીમના ભૂતપૂર્વ કેપ્ટન દીપક હુડ્ડાએ IANS સાથેની ખાસ વાતચીતમાં કહ્યું છે કે ભારત દેશમાં ઓલિમ્પિક ગેમ્સનું આયોજન કરવા સક્ષમ છે.   રોહતકમાં ખાસ વાતચીતમાં દીપકે કહ્યું કે મુંબઈમાં ઈન્ટરનેશનલ ઓલિમ્પિક કમિટીની બેઠક યોજાઈ હતી. જેમાં ઓલિમ્પિક ગેમ્સ અંગે ચર્ચા કરવામાં આવી હતી. તેમણે કહ્યું કે જ્યારે G-20 જેવી મોટી ઈવેન્ટ્સ દેશમાં યોજાઈ શકે છે તો ભારત સૌથી મોટી ઈવેન્ટ્સનું આયોજન કરવા માટે કેમ સક્ષમ નથી.   વધુમાં જણાવ્યું કે, વડાપ્રધાન નરેન્દ્ર મોદીએ અનેક પ્રસંગોએ 2036 ઓલિમ્પિક અને પેરાલિમ્પિક ગેમ્સની યજમાનીમાં ભારતની રુચિ દર્શાવી હતી. જ્યારથી નરેન્દ્ર મોદી દેશના વડાપ્રધાન બન્યા છે ત્યારથી રમતગમત અને ખેલાડીઓને પ્રોત્સાહન મળ્યું છે.વડાપ્રધાન ઈચ્છે છે કે દેશમાં ઓલિમ્પિક ગેમ્સ યોજાય કારણ કે 2014 પહેલા દેશમાં માત્ર એક કે બે ઓલિમ્પિક મેડલ જીત્યા હતા. હવે 2014 પછી દેશ માટે સતત અનેક મેડલ આવી રહ્યા છે.   ઉલ્લેખનીય છે કે ભારતીય ઓલિમ્પિક એસોસિએશન (IOA)એ 1 ઓક્ટોબરે ભાવિ યજમાન કમિશન,ઈન્ટરનેશનલ ઓલિમ્પિક કમિટી (IOC)ને ઔપચારિક રીતે ઈરાદા પત્ર મોકલ્યો છે,જેમાં 2036માં ઓલિમ્પિક અને પેરાલિમ્પિક ગેમ્સની યજમાની કરવા માટે ભારતની રુચિ દર્શાવવામાં આવી છે.   ગયા વર્ષે, મુંબઈમાં આયોજિત 141માં IOC સત્રમાં, વડા પ્રધાન મોદીએ વર્ષ 2036 માં ઓલિમ્પિક ગેમ્સની યજમાનીમાં ભારતની રુચિની પુષ્ટિ કરી હતી અને દાવો કર્યો હતો કે 140 કરોડ ભારતીયો આ ગેમ્સના આયોજન માટે પ્રતિબદ્ધ છે.