ક્રિકેટ રસિકોને આંચકો, અશ્વિન હવે મેદાનમાં રમતો જોવા નહીં મળે

હાલમાં ભારત અને ઓસ્ટ્રેલિયા વચ્ચે સિરીઝ રમાઈ રહી છે. ત્રીજી મેચ પૂર્ણ થઈ ગઈ છે અને શ્રેણીમાં હજુ બે મેચ બાકી છે. આ દરમિયાન એક મોટા અને મહત્વપૂર્ણ સમાચાર સામે આવી રહ્યા છે. ટીમ ઈન્ડિયાના સ્ટાર ખેલાડીઓમાંથી એક રવિચંદ્રન અશ્વિને અચાનક નિવૃત્તિની જાહેરાત કરી દીધી છે. જોકે, સારી અને રાહતની વાત એ છે કે અશ્વિને હજુ સુધી તેની છેલ્લી મેચ રમી નથી. તે બાકીની બે મેચમાં ટીમ સાથે રહેશે. એટલે કે આ ટેસ્ટ સિરીઝ તેની છેલ્લી સિરીઝ હશે. અશ્વિને ટીમ ઈન્ડિયાની ઘણી મોટી જીતમાં મોટો ફાળો આપ્યો છે.

ખાસ વાત એ છે કે જ્યારે ભારત અને ઓસ્ટ્રેલિયાની મેચ ચાલી રહી હતી ત્યારે સમાચાર આવવા લાગ્યા હતા કે રવિચંદ્રન અશ્વિન આજે મેચ ખતમ થતાની સાથે જ નિવૃત્ત થઈ જશે. જેવી જ મેચ ડ્રો થવાની જાહેરાત કરવામાં આવી કે થોડા સમય પછી અશ્વિન તેના કેપ્ટન રોહિત શર્મા સાથે આવ્યો અને તેણે નિવૃત્તિની જાહેરાત કરી. હવે તે કોઈ આંતરરાષ્ટ્રીય મેચ નહીં રમે. પરંતુ આશા છે કે તે બાકીની બે ટેસ્ટ મેચોમાં પણ ટીમ સાથે રહેશે. અશ્વિને ભારે હૈયે નિવૃત્તિની જાહેરાત કરી છે. જો કે તે હજુ પણ IPLમાં રમતા જોવા મળશે.

ગાબા ટેસ્ટ બાદ ટીમ ઈન્ડિયાના દિગ્ગજ સ્પિન બોલર આર અશ્વિને નિવૃત્તિની જાહેરાત કરી છે. અશ્વિને પ્રેસ કોન્ફરન્સ દરમિયાન નિવૃત્તિની જાહેરાત કરી હતી. આર અશ્વિન ઓસ્ટ્રેલિયા પ્રવાસ પર ટીમ ઈન્ડિયાનો ભાગ છે. અશ્વિન એડિલેડ ટેસ્ટમાં રમતા જોવા મળ્યો હતો. જોકે, અશ્વિનને ગાબા ટેસ્ટમાં રમવાની તક મળી ન હતી. જોકે, મેચ દરમિયાન જ અશ્વિનના નિવૃત્તિના સંકેતો મળ્યા હતા. ડ્રેસિંગ રૂમમાંથી વિરાટ કોહલી અને અશ્વિનની એક તસવીર વાયરલ થઈ છે. જેમાં કોહલી અશ્વિનને ગળે લગાવતો જોવા મળ્યો હતો.

આ શ્રેણીની પ્રથમ મેચ પર્થમાં રમાઈ હતી, જેમાં અશ્વિનને પ્લેઈંગ ઈલેવનમાં તક મળી ન હતી. જોકે, અશ્વિનને એડિલેડમાં રમાયેલી બીજી ટેસ્ટ મેચમાં પ્લેઈંગ ઈલેવનનો ભાગ બનાવવામાં આવ્યો હતો. આમ તો એડિલેડ ટેસ્ટ અશ્વિનની કારકિર્દીની છેલ્લી આંતરરાષ્ટ્રીય મેચ સાબિત થઈ, કારણ કે અશ્વિનને ગાબામાં રમવાની તક મળી ન હતી.