વૈશ્વિક શેરબજાર અને ટેકનોલોજી સેક્ટરમાં અત્યારે એક ભયંકર વેચવાલી જોવા મળી રહી છે, જેને નિષ્ણાતો 'SaaSpocalypse' (Softwear As A Service ocalypse) કહી રહ્યા છે. આ આખા તોફાનના કેન્દ્રમાં છે AI સ્ટાર્ટઅપ કંપની એન્થ્રોપિક (Anthropic) અને તેનું નવું લોન્ચ થયેલું AI એજન્ટ ટૂલ.
શું છે આ નવું ટૂલ ?&nbsp;
એન્થ્રોપિકે તેના 'કલાઉડ કો-વર્ક' (Claude Cowork) એજન્ટ માટે 11 નવા પ્લગ-ઈન્સ લોન્ચ કર્યા છે. આ કોઈ સામાન્ય ચેટબોટ નથી, પણ એક એવો 'એજન્ટિક AI' છે જે કાયદાકીય, સેલ્સ, માર્કેટિંગ અને ડેટા એનાલિસિસ જેવા જટિલ કામો જાતે જ કરી શકે છે. અત્યાર સુધી જે કામો માટે કંપનીઓએ Salesforce અથવા ServiceNow જેવા મોંઘા સોફ્ટવેર પર નિર્ભર રહેવું પડતું હતું, તે હવે આ AI જાતે જ કરી લેશે.
ભારતીય IT દિગ્ગજો પર પડી મોટી અસર આ સમાચારની અસર અમેરિકાથી લઈને ભારત સુધી જોવા મળી છે. 4 ફેબ્રુઆરી, બુધવારે ભારતીય બજારમાં Nifty IT ઇન્ડેક્સ 7% થી વધુ તૂટ્યો હતો. ઇન્ફોસિસ (Infosys)માં 9% અને TCSમાં 7% જેવો મોટો કડાકો જોવા મળ્યો.
રોકાણકારોમાં એવો ડર છે કે જો AI પોતે જ કોડિંગ, ડેટા એન્ટ્રી અને કાયદાકીય દસ્તાવેજો તૈયાર કરવા માંડશે, તો આઉટસોર્સિંગ કરતી ભારતીય IT કંપનીઓની જરૂરિયાત ઘટી જશે.
$285 બિલિયનનો ધુમાડો માત્ર એક જ દિવસમાં વૈશ્વિક સ્તરે સોફ્ટવેર અને ફાઇનાન્સ કંપનીઓની માર્કેટ વેલ્યુમાંથી $285 બિલિયન (અંદાજે 24 લાખ કરોડ રૂપિયા) સાફ થઈ ગયા છે. સેલ્સફોર્સ, એડોબ અને વર્કડે જેવી કંપનીઓના શેર 6%થી 8% તૂટ્યા છે.
વિશ્લેષકોના મતે, હવે બજારની માનસિકતા બદલાઈ રહી છે - પહેલા એવું હતું કે 'AI આ કંપનીઓને મદદ કરશે', પણ હવે ડર છે કે 'AI આ કંપનીઓનું સ્થાન લઈ લેશે'.
જોકે, કેટલાક નિષ્ણાતો માને છે કે આ માત્ર શરૂઆતની પ્રતિક્રિયા છે. જે કંપનીઓ પોતાની સેવામાં AIને ઝડપથી સ્થાપિત કરશે, તે લાંબા ગાળે ફાયદામાં રહેશે. પરંતુ જે કંપનીઓ જૂના મોડલ પર વળગી રહેશે, તેમના માટે આ ખરેખર 'વિનાશકાળ' સાબિત થઈ શકે છે.&nbsp;

એન્થ્રોપિકના નવા AI ટૂલથી ફફડાટ

એન્થ્રોપિકના નવા AI ટૂલથી સોફ્ટવેર કંપનીઓમાં ફફડાટ, ઇન્ફોસિસ અને TCSના શેરોમાં મોટો કડાકો

February 4, 2026 | 15:49 IST