Vijay Diwas 2025: 13 દિવસમાં ભારતનો ઐતિહાસિક વિજય

આજે 16 ડિસેમ્બર 2025ના રોજ સમગ્ર ભારત વિજય દિવસ ગૌરવ અને ગર્વ સાથે ઉજવી રહ્યું છે. આ દિવસ ભારતીય સેનાના અદમ્ય સાહસ અને રણનીતિને યાદ કરાવે છે, જેણે 1971માં પાકિસ્તાનને પરાજિત કરી વિશ્વનક્ષે પર બાંગ્લાદેશ નામના નવા સ્વતંત્ર રાષ્ટ્રનો જન્મ આપ્યો હતો.

 

 

માત્ર 13 દિવસમાં નિર્ણાયક વિજય 1971નું ભારત-પાકિસ્તાન યુદ્ધ સત્તાવાર રીતે 3 ડિસેમ્બરે શરૂ થયું અને 16 ડિસેમ્બરે સમાપ્ત થયું. ભારતીય સશસ્ત્ર દળો અને બાંગ્લાદેશની મુક્તિ વાહિનીના સંયુક્ત પ્રયાસોએ પાકિસ્તાની સેનાને માત્ર 13 દિવસમાં ઘૂંટણિયે પાડી દીધી. 16 ડિસેમ્બર 1971ના રોજ ઢાકામાં પાકિસ્તાની કમાન્ડર જનરલ એ.એ.કે. નિયાઝીએ ભારતીય સેના સમક્ષ આત્મસમર્પણ કર્યું. આશરે 93,000 પાકિસ્તાની સૈનિકોએ શસ્ત્રો મૂક્યા, જે બીજા વિશ્વયુદ્ધ પછીનું સૌથી મોટું સૈન્ય શરણાગતિ માનવામાં આવે છે

યુદ્ધનું પૃષ્ઠભૂમિ: માનવતા અને ન્યાયની લડત આ યુદ્ધ માત્ર સીમા વિવાદનું નહોતું, પરંતુ પૂર્વ પાકિસ્તાન (હાલનું બાંગ્લાદેશ)માં થઈ રહેલા ભેદભાવ, અત્યાચાર અને નરસંહાર સામેની લડત હતી. 26 માર્ચ 1971થી શરૂ થયેલા સ્વતંત્રતા આંદોલનને પાકિસ્તાને બળપૂર્વક દબાવવાનો પ્રયાસ કર્યો, જેના કારણે લાખો શરણાર્થીઓ ભારતમાં આવ્યા. ભારતે માનવતાના આધારે બાંગ્લાદેશના સ્વતંત્રતા સંગ્રામને સમર્થન આપ્યું.

તત્કાલીન વડપ્રધાન ઈન્દિરા ગાંધીના મજબૂત નેતૃત્વે અને ભારતીય સેનાની વ્યૂહરચનાએ આ વિજયને શક્ય બનાવ્યો.

2025માં વિજય દિવસની ઉજવણી આ વર્ષે પણ દેશભરમાં વિજય દિવસ ઉત્સાહથી ઉજવાયો. વડપ્રધાન નરેન્દ્ર મોદીએ વીર જવાનોને શ્રદ્ધાંજલિ આપી કહ્યું: “વિજય દિવસે આપણે તે બહાદુર સૈનિકોને યાદ કરીએ છીએ જેમના સાહસ અને બલિદાનથી 1971માં ભારતને ઐતિહાસિક વિજય મળ્યો. તેમની અડગ નિષ્ઠા અને નિસ્વાર્થ સેવાએ રાષ્ટ્રને સુરક્ષિત રાખ્યું અને ઇતિહાસમાં ગૌરવની ક્ષણ ઉમેરી.” રાષ્ટ્રપતિ દ્રૌપદી મુર્મુ અને રક્ષા મંત્રી રાજનાથ સિંહે પણ memorial પર શ્રદ્ધાંજલિ અર્પી.

ભારતીય સેનાએ વિવિધ કાર્યક્રમો યોજીને આ વિજયની યાદ તાજી કરી અને આત્મનિર્ભર ભારતના સંકલ્પને મજબૂત કર્યો.

આજે આપણે તે તમામ વીર જવાનોને સલામ કરીએ છીએ જેમણે દેશ અને માનવતા માટે પોતાનું સર્વસ્વ ન્યોછાવર કર્યું. જય હિન્દ!