ઉદેપુરના શાહી લગ્નનો ખર્ચ ચૂકવ્યો રેપિડો ડ્રાઇવરે!

રાજસ્થાનના ઉદેપુરમાં થયેલા ઝાકઝમાળ ભરેલા એક લગ્નની ચર્ચા આજે દેશભરમાં નહીં, પણ એન્ફોર્સમેન્ટ ડિરેક્ટોરેટ (ED)ની ફાઇલોમાં થઈ રહી છે. EDએ શંકાસ્પદ બેંક ટ્રાન્ઝૅક્શનની તપાસ શરૂ કરી તો ખુલાસો થયો કે – આ લગ્નનો આખો ખર્ચ ચૂકવવામાં આવ્યો છે એક રેપિડો ડ્રાઇવરના બેંક એકાઉન્ટમાંથી!

અને રકમ? પૂરા ₹331.36 કરોડ!

ડ્રાઇવર પોતે જ અચંબામાં!

જ્યારે EDની ટીમે ઉદેપુરના આ રેપિડો ડ્રાઇવરના ઘરે પહોંચીને પૂછપરછ કરી ત્યારે તેની આંખો ફાટી રહી ગઈ. તેણે કહ્યું, “સાહેબ, હું તો મહિને ₹15-18 હજાર કમાઈને ઘર ચલાવું છું… મારા એકાઉન્ટમાં 331 કરોડ ક્યાંથી આવ્યા? મને તો ખબર જ નહીં!”

આ વ્યવહાર ક્યારે અને કેવી રીતે થયો ?

આ સમગ્ર મામલો ત્યારે પ્રકાશમાં આવ્યો જ્યારે એન્ફોર્સમેન્ટ ડિરેક્ટોરેટ (ED) એ શંકાસ્પદ બેંક વ્યવહારોની તપાસ શરૂ કરી હતી (Udaipur Money Laundering Case). તપાસમાં જાણવા મળ્યું કે, 19 ઓગસ્ટ, 2024 થી 14 એપ્રિલ, 2025 સુધી કરોડો રૂપિયા સતત જમા કરવામાં આવ્યા હતા, અને તરત જ એક રેપિડો ડ્રાઇવરના ખાતામાં ટ્રાન્સફર કરવામાં આવ્યા હતા, જે મુશ્કેલીથી પોતાનું ગુજરાન ચલાવી શકે છે. કુલ વ્યવહારોની રકમ રૂ. 331.36 કરોડ હતી. ED ને શંકા હતી કે, આ મની લોન્ડરિંગનો સ્પષ્ટ કેસ હતો. આના કારણે મની ટ્રેલ મળી આવ્યો, જેણે તપાસની દિશાને સંપૂર્ણપણે બદલી નાખી હતી.

કેવી રીતે થયું આખું ષડયંત્ર?

EDની પ્રાથમિક તપાસમાં જે તથ્યો સામે આવ્યા છે તે ચોંકાવનારા છે:

• 19 ઓગસ્ટ 2024થી 14 એપ્રિલ 2025 સુધી સતત કરોડો રૂપિયા અલગ-અલગ એકાઉન્ટ્સમાંથી આ ડ્રાઇવરના એકાઉન્ટમાં ટ્રાન્સફર થયા.
• તરત જ આ રકમને લગ્નના વિવિધ વેન્ડર્સને ચૂકવવામાં આવી.
• મુખ્ય લિંક: વિવાદાસ્પદ ઓનલાઇન સટ્ટાબાજી એપ 1xBet
• 1xBet એપથી કમાયેલા કાળા નાણાંને સફેદ કરવા માટે આ ડ્રાઇવરનું એકાઉન્ટ “મની મ્યુલ” તરીકે વાપરવામાં આવ્યું.

લગ્નનો ખર્ચ ક્યાં ક્યાં થયો?

EDએ જે બિલો અને પેમેન્ટ્સ જપ્ત કર્યા છે તેમાંથી ખુલાસો:

• તાજ અરવલી રિસોર્ટ – પૂરું બુકિંગ (કરોડોમાં)
• દિલ્હી-મુંબઈની ટોચની ઇવેન્ટ મેનેજમેન્ટ કંપનીઓ
• ફૂલોલોની સજાવટ માટે બેંગકોકથી મંગાવવામાં આવ્યા
• કેટરિંગ – દરરોજ લાખોના બિલ
• પ્રાઇવેટ જેટ, હેલિકોપ્ટર બુકિંગના પણ આક્ષેપ

EDનું અત્યાર સુધીનું નિષ્કર્ષ

• આ એક સંગઠિત મની લોન્ડરિંગ રેકેટ છે.
• 1xBet જેવી સટ્ટાબાજી એપ્સથી કમાયેલા કાળા નાણાંને શાહી લગ્ન જેવી ઇવેન્ટ્સ દ્વારા સફેદ કરવામાં આવે છે.
• ગરીબ-મધ્યમ વર્ગના લોકોના એકાઉન્ટનો દુરુપયોગ “મની મ્યુલ” તરીકે થઈ રહ્યો છે.
• લગ્નના આયોજકો, વેન્ડર્સ અને 1xBet એપ સાથે જોડાયેલા લોકોની ધરપકડ ટૂંક સમયમાં થઈ શકે છે.

હવે પછી શું?

• EDએ ડ્રાઇવરના એકાઉન્ટને ફ્રીઝ કરી દીધું છે.
• લગ્નમાં આવેલા મુખ્ય મહેમાનોની યાદી મંગાવવામાં આવી છે.
• 1xBet એપના ભારતીય એજન્ટોના ઠેકાણા પર દરોડા પાડવાની તૈયારી ચાલુ છે.
• રાજસ્થાન પોલીસ સાથે મળીને FIR પણ નોંધાશે.

એક સામાન્ય રેપિડો ડ્રાઇવરના એકાઉન્ટમાંથી 331 કરોડનું લગ્ન! આ કેસ રાજસ્થાનનો નહીં, દેશનો સૌથી મોટો મની લોન્ડરિંગ કેસ બની રહ્યો છે. EDના અધિકારીએ નામ ન આપવાની શરતે કહ્યું: “આ તો ફક્ત ટ્રેલર છે… પિક્ચર તો હજુ બાકી છે!”

વધુ અપડેટ્સ માટે જોડાયેલા રહો…