ઘોર કળિયુગ: પિતાએ જ દીકરીને 3 લાખ રૂપિયામાં વેચી

 હિંમતનગરના એ-ડિવિઝન પોલીસ સ્ટેશનમાં 7 વર્ષની સગીરાને 3 લાખ રૂપિયામાં વેચી દીધાની કોર્ટના આદેશ પછી ફરિયાદ નોંધાઈ હતી. એક પરિવાર પાસે વ્યાજના રૂપિયાની ઉઘરાણી કરી મારામારી પછી બે શખ્સે સહિત એક મહિલાએ બળજબરીપૂર્વક 7 વર્ષની સગીરાને ઉઠાવી રાજસ્થાનમાં રૂપિયા 3 લાખમાં વેચી દીધી હતી.

આ મામલે પોલીસે એક મહિલા સહિત 3 આરોપીઓની ઘરપકડ કરી હતી. જેની પૂછપરછમાં ઘટસ્ફોટ થયો હતો કે, વ્યાજના ચક્કરમાં ફસાયેલા પિતાએ જ પોતાની દીકરીને વેચી દીધી હતી.આ બાળકીને વેચવામાં પિતા સહિત કાકાનો પણ હાથ હતો.

આ સમગ્ર ઘટનામાં બાળકીને રાજસ્થાનમાં અલવરમાં વેચવામાં આવી હતી,18 વર્ષ બાદ ઉમેદ નટ સાથે પરણાવવાનો કરાર પણ બાળકીના પિતાએ કર્યો હતો તો લગ્ન કરવાના ઇરાદે ઉમેદ નટે બાળકી ખરીદી હતી અને બાળકીને અલવરથી હિંમતનગર લાવવામાં આવી છે. હાલમાં 4 આરોપીઓની પોલીસે ધરપકડ કરી છે અને બે આરોપીઓ ફરાર છે, તેની શોધખોળ હાથ ધરી છે.

ઉલ્લેખનીય છે કે, અગાઉ પોલીસે અર્જુન નટ, સરીફાબેન નટ અને લખપતિ નટ સામે બાળ તસ્કરીના ગુના હેઠળ હિંમતનગર એ-ડિવિઝન પોલીસમાં ફરિયાદ નોંધી છે. આ ત્રણેય આરોપીને કોર્ટમાં રજૂ કરાતાં 27/12/24 સુધીના રિમાન્ડ મંજૂર થયા છે.