સુપ્રીમ કોર્ટની યુ-ટ્યુબ ચેનલ થઈ હેક

સુપ્રીમ કોર્ટે શુક્રવારે પોતાની યુટ્યુબ ચેનલને અસ્થાયી રૂપે બંધ કરી છે. કારણ કે, તેને હેક કરવામાં આવી હતી અને યુએસ કંપની દ્વારા વિકસિત ક્રિપ્ટોકરન્સીનો પ્રચાર કરતા વીડિયો પ્રસારિત કરવામાં આવ્યા હતા. 

અહેવાલ મુજબ, ચેનલનું નામ બદલીને “રિપલ” કરવામાં આવ્યું હતું અને “બ્રેડ ગાર્લિંગહાઉસ: રિપલે SECની 2 બિલિયન ડોલર કિંમતની ભવિષ્યવાણી” શીર્ષકવાળો ચેનલ પર લાઇવ સ્ટ્રીમ કરવામાં આવ્યો હતો. વધુમાં, હેકર્સે અન્ય સુનાવણીઓને પણ ચેનલ પર લાઇવ-સ્ટ્રીમ કરી હતી.

તેના ઈ-પહેલના પગલાં પૈકી, સુપ્રીમ કોર્ટે યુટ્યુબ પર બંધારણીય બેંચની કાર્યવાહીનું લાઈવ સ્ટ્રીમિંગ શરૂ કર્યું અને રાષ્ટ્રીય મહત્વની આવી સુનાવણીના લાઈવ ટ્રાન્સક્રિપ્શન માટે આર્ટિફિશિયલ ઈન્ટેલિજન્સ અને નેચરલ લેંગ્વેજ પ્રોસેસિંગ ટેક્નોલોજીનો ઉપયોગ કર્યો. તાજેતરમાં, NEET-UG મામલે અને આર.જી. કાર મેડિકલ કોલેજ અને હોસ્પિટલના સુઓ મોટુ કેસમાં ન્યાયિક સુનાવણીએ લોકોનું ધ્યાન આકર્ષિત કર્યું હતું.

IANS