પશ્ચિમ બંગાળની સરહદ પર બાંગ્લાદેશી ઘૂસણખોરોનો એક મોટો જમાવડો જોવા મળી રહ્યો છે. પશ્ચિમ બંગાળમાં SIR અથવા રાજ્ય-સ્તરીય ઓળખ નોંધણીની પ્રક્રિયા શરૂ થવાની અફવાને કારણે ભારતમાંથી ગેરકાયદે રીતે વસતા લોકોમાં ભયનો માહોલ ફેલાયો છે. સોમવારે સવારના સમયે સ્વરૂપનગર પોલીસ સ્ટેશન વિસ્તારના હકીમપુર ચેકપોસ્ટ પર સેંકડો લોકો પોતાના વતન બાંગ્લાદેશ પાછા ફરવાની કોશિશ કરતા જોવા મળ્યા હતા. આ લોકો ભારે-ભરકમ સામાન સાથે સતખીરા અને ખુલ્ના જિલ્લામાં પાછા જવાનો પ્રયાસ કરી રહ્યા હતા. સરહદીય વિસ્તારોમાંથી મળેલી માહિતી મુજબ, SIRના ડરથી 500થી વધુ બાંગ્લાદેશી ઘૂસણખોરો ભારત છોડીને ભાગી છૂટ્યા છે, જેમને BSFદ્વારા ઇન્ટરસેપ્ટ કરવામાં આવ્યા હતા.
નાગરિકતા ચકાસણીના ડરથી વધી ઝડપ
ભારતના વિવિધ રાજ્યોમાં નાગરિકતા ચકાસણી અભિયાન શરૂ થવાની અફવાઓ ફેલાતાની સાથે જ ગેરકાયદેસર રીતે વસતા બાંગ્લાદેશી ઘૂસણખોરોમાં ગભરાહટ જોવા મળી રહ્યો છે. આ જ ડરને કારણે છેલ્લા કેટલાક દિવસોથી સરહદીય ચેકપોસ્ટ પર બાંગ્લાદેશ તરફ જતા લોકોની સંખ્યામાં ઝડપી વધારો થયો છે. સોમવારે સવારે આ સંખ્યા અચાનક ખૂબ જ વધી ગઈ હતી. ભીડમાં સામેલ સેંકડો વ્યક્તિઓ મોટા સામાનના બેગ સાથે અસ્થાયી આશ્રયસ્થાનો નીચે રાહ જોતા જોવા મળ્યા હતા. જોકે, સ્થાનિક પોલીસ અને BSFએ વિસ્તારમાં કોઈ સત્તાવાર નાગરિકતા ચકાસણી અભિયાન શરૂ થયાની પુષ્ટિ કરી નથી, તેમ છતાં ભીડમાં સામેલ લોકો ગભરાયેલા દેખાતા હતા અને જલ્દીથી ઘરે પરત ફરવાની વાત કરી રહ્યા હતા.
આ પણ વાંચો: <a href="https://www.benefitnews24.com/gujarati/elections/sir-gujarat-how-to-fill-the-voter-enumeration-form-provided-by-blos/22178" target="_blank" rel="noopener">ગુજરાત SIR: મતદાર ગણતરી ફોર્મ કેવી રીતે ભરવુ?</a>
વર્ષોથી ગેરકાયદે વસવાટ
ભાગી રહેલા આ બાંગ્લાદેશી ઘૂસણખોરો એ જણાવ્યું હતું કે, તેઓ ભારતના વિવિધ રાજ્યોમાં પ્રવાસી મજૂરો તરીકે કામ કરી રહ્યા હતા. તેમાં રિક્ષા ચાલકો, બાંધકામ ક્ષેત્રના શ્રમિકો અને ભઠ્ઠામાં કામ કરતા મજૂરોનો સમાવેશ થાય છે. આમાંના મોટાભાગના લોકો બાંગ્લાદેશના સતખીરા અને ખુલ્ના જિલ્લાના રહેવાસી હતા. તેઓએ એ પણ સ્વીકાર્યું કે, તેઓ વર્ષો પહેલા ગેરકાયદે રીતે ભારતમાં પ્રવેશ્યા હતા અને અહીંની ઝૂંપડપટ્ટીઓ તથા કસબાઓમાં પોતાના પરિવારો સાથે રહેતા હતા. સતખીરા જિલ્લાના અબ્દુલ સરકારે જણાવ્યું કે, અમે કોલકત્તામાં રહેતા હતા. અમે રોજિંદી પ્રવૃત્તિઓ માટે ભારતીય દસ્તાવેજો પણ મેળવી લીધા હતા, પરંતુ હવે હું મારા પરિવાર સાથે મારા વતન સતખીરા પાછો જઈ રહ્યો છું. સ્થાનિક રહેવાસીઓના જણાવ્યા અનુસાર, રવિવાર રાતથી જ ગેરકાયદે બાંગ્લાદેશી ઘૂસણખોરો સરહદ પાસે એકઠા થઈ રહ્યા હતા, જેના કારણે સ્થાનિક વિસ્તારમાં પણ તણાવનો માહોલ છે.

500થી વધુ બાંગ્લાદેશી વતન ભાગ્યા

SIR  શરૂ થવાની અફવાથી વધુ ગેરકાયદે બાંગ્લાદેશી ઘૂસણખોરો બોર્ડર પાર કરીને સ્વદેશ ભાગ્યા

November 19, 2025 | 16:31 IST