પંજાબના CM ભગવંત માનના ઘરે EC ના દરોડા, કપૂરથલા હાઉસમાં પૈસાની વહેંચણીની ફરિયાદ

દિલ્હીમાં વિધાનસભા ચૂંટણીના રાજકીય ઉત્તેજના વચ્ચે એક મોટા સમાચાર સામે આવ્યા છે. ચૂંટણી પંચ (EC) એ પંજાબના CM ભગવંત માનના ઘરે દરોડા પાડ્યા. ટીમ પંજાબના CM ના દિલ્હીમાં ઘરની સર્ચ કરી રહી છે. દિલ્હી વિધાનસભા ચૂંટણી માટે આમ આદમી પાર્ટી (AAP)એ પંજાબના CM ભગવંત માનને પોતાનો સ્ટાર પ્રચારકમાં સામેલ કર્યા છે. આ ક્રમમાં તેઓ દિલ્હીમાં જાહેર સભાઓ અને રેલીઓ કરી રહ્યા છે. CM માન CM આતિશી સાથે ગુરુવારે અમૃતપુરી ગઢી પહોંચ્યા અને ત્યાં રેલી કરી રહ્યા છે. આ રેલી વચ્ચે ભગવંત માનનો ફોન આવ્યો.

કપૂરથલાના મકાનમાં દરોડો...

રેલી દરમિયાન CM ભગવંત માન કોની સાથે ફોન પર વાત કરી હતી તે હજુ સ્પષ્ટ થયું નથી. કહેવામાં આવી રહ્યું છે કે, તેને ફોન દ્વારા પંજાબ CM હાઉસના ઘર પર દરોડા પાડવાની માહિતી મળી હતી. ચૂંટણી પંચે દિલ્હી સ્થિત કપૂરથલા હાઉસ પર દરોડા પાડ્યા હતા. આ પંજાબના CM ભગવંત માનનું ઘર છે. EC ની ટીમ CM હાઉસમાં સર્ચ કરી રહી છે.

CM આતિષીએ દાવો કર્યો હતો...

આ અંગે દિલ્હીના CM આતિશીએ ઈન્સ્ટાગ્રામ પર પોસ્ટ કર્યું કે દિલ્હી પોલીસ CM ભગવંત માનના દિલ્હીના ઘરે દરોડા પાડવા પહોંચી છે. BJP ના લોકો દિવસના અજવાળામાં પૈસા, ચંપલ, બેડશીટ વહેંચી રહ્યા છે - તે દેખાતું નથી. બલ્કે તેઓ એક ચૂંટાયેલા CM ના નિવાસસ્થાને દરોડા પાડવા પહોંચે છે. વાહ ભાજપ! દિલ્હીવાસીઓ 5 મીએ જવાબ આપશે. જોકે, દિલ્હી પોલીસે દરોડા પાડવાનો ઇનકાર કર્યો હતો. દિલ્હી પોલીસનું કહેવું છે કે ટીમ અધિકારીઓને સહકાર આપવા ગઈ છે.

કપુરથલા હાઉસમાં પૈસાની વહેંચણી અંગે ફરિયાદ...

ચૂંટણી પંચના અધિકારીઓના જણાવ્યા અનુસાર, કપૂરથલા હાઉસમાં પૈસાની વહેંચણી અંગે ફરિયાદ મળી હતી, તેઓ તેની તપાસ કરવા આવ્યા છે. એવું પણ કહેવામાં આવી રહ્યું છે કે ચૂંટણી પંચના અધિકારીઓને પંજાબ CM હાઉસની અંદર જવા દેવામાં આવ્યા નથી.

જાણો ચૂંટણી પંચના અધિકારીઓએ શું કહ્યું?

રિટર્નિંગ ઓફિસર ઓપી પાંડેએ જણાવ્યું હતું કે, cVIGIL એપ દ્વારા નાણાંની વહેંચણી અંગે ફરિયાદ મળી હતી. ફ્લાઈંગ સ્કવોડની ટીમ અહીં આવી ગઈ હતી, જેને અંદર જવા દેવામાં આવી ન હતી. તેઓ કેમ્પસમાં પ્રવેશવાની પરવાનગીની રાહ જોઈ રહ્યા છે. તેઓએ 100 મિનિટમાં ફરિયાદ ઉકેલવી પડશે. તેમની ટીમ કેમેરા પર્સન સાથે અંદર જવાની પરવાનગી માંગી રહી છે.