Andhra Pradesh માં NAAC રેટિંગ કૌભાંડનો પર્દાફાશ, CBI એ 10 આરોપીઓની ધરપકડ કરી

CBI એ શુક્રવારે એક મોટા કૌભાંડનો પર્દાફાશ કર્યો અને આંધ્રપ્રદેશના ગુંટુરમાં એક શૈક્ષણિક સંસ્થાના અધિકારીઓ અને નેશનલ એસેસમેન્ટ એન્ડ એક્રેડિટેશન કાઉન્સિલ (NAAC) ઇન્સ્પેક્શન કમિટીના 10 સભ્યોની ધરપકડ કરી. એવો આરોપ છે કે લાંચના બદલામાં કોલેજને ઇચ્છિત A++ NAAC રેટિંગ આપવામાં આવ્યું હતું.

CBI એ ગુંટુર (આંધ્રપ્રદેશ)ના વદ્દેશ્વરમમાં એક શૈક્ષણિક સંસ્થા અને NAAC નિરીક્ષણ સમિતિના સભ્યો સામે કેસ નોંધ્યો હતો. એવો આરોપ છે કે શૈક્ષણિક સંસ્થાના અધિકારીઓએ NAAC નિરીક્ષણ સમિતિને લાંચ આપી જેથી તેમની યુનિવર્સિટીને વધુ સારું રેટિંગ મળી શકે. આ કેસમાં અનેક નામાંકિત શિક્ષણવિદો અને સંચાલકોની મિલીભગતનો પર્દાફાશ થયો છે.

CBI ના દરોડા અને જપ્તી...

CBI એ ચેન્નાઈ, બેંગલુરુ, વિજયવાડા, પલામુ, સંબલપુર, ભોપાલ, બિલાસપુર, ગૌતમ બુદ્ધ નગર અને દિલ્હી સહિત 20 સ્થળોએ દરોડા પાડ્યા હતા. CBI એ દરોડામાં ₹37 લાખ રોકડ, 6 લેનોવો લેપટોપ, આઈફોન 16 પ્રો, સોનાનો સિક્કો અને ઘણા ગુનાહિત દસ્તાવેજો પણ રિકવર કર્યા છે.

10 આરોપીના નામ...

જી.પી. સારધિ વર્મા વાઇસ ચાન્સેલર, કેએલ એજ્યુકેશન ફાઉન્ડેશન (KLEF), ગુંટુર

કોનેરુ રાજા હરિન વાઇસ પ્રેસિડેન્ટ, KLEF

એ. રામકૃષ્ણ ડિરેક્ટર, કેએલ યુનિવર્સિટી, હૈદરાબાદ

સમરેન્દ્ર નાથ સાહા વાઇસ ચાન્સેલર, રામચંદ્ર ચંદ્રવંશી યુનિવર્સિટી અને NAAC નિરીક્ષણ સમિતિના અધ્યક્ષ

રાજીવ સિજારિયા પ્રોફેસર, JNU, દિલ્હી અને NAAC નિરીક્ષણ સમિતિના સભ્ય કો-ઓર્ડિનેટર

ડી. ગોપાલ ડીન, ભારત ઇન્સ્ટિટ્યૂટ ઑફ લૉ અને NAAC નિરીક્ષણ સમિતિના સભ્ય

રાજેશ સિંહ પવાર ડીન, જાગરણ લેકસીટી યુનિવર્સિટી, ભોપાલ અને એનએએસી નિરીક્ષણ સમિતિના સભ્ય

માનસ કુમાર મિશ્રા ડિરેક્ટર, જીએલ બજાજ ઇન્સ્ટિટ્યૂટ ઓફ ટેકનોલોજી અને NAAC નિરીક્ષણ સમિતિના સભ્ય

ગાયત્રી દેવરાજા પ્રોફેસર, દાવણગેરે યુનિવર્સિટી અને NAAC નિરીક્ષણ સમિતિના સભ્ય

બુલુ મહારાણા પ્રોફેસર, સંબલપુર યુનિવર્સિટી અને NAAC નિરીક્ષણ સમિતિના સભ્ય

FIR માં આરોપીનું નામ...

CBI એ KLEF પ્રમુખ કોનેરુ સત્યનારાયણ, કેટલાક પ્રોફેસરો અને NAAC ના ભૂતપૂર્વ સલાહકારો સહિત 14 લોકો વિરુદ્ધ FIR નોંધી છે. CBI ની તપાસમાં સામે આવ્યું છે કે કોલેજોને લાંચ આપીને A++ ગ્રેડ આપવામાં આવી રહ્યો છે, જેના કારણે સમગ્ર શિક્ષણ પ્રણાલીની વિશ્વસનીયતા પર સવાલો ઉભા થયા છે. CBI  આ કૌભાંડની વધુ તપાસ કરી રહી છે અને અન્ય સંબંધિત લોકોની ભૂમિકા પણ તપાસવામાં આવી રહી છે.