પશ્ચિમ બંગાળમાં રહસ્યમય રોગને કારણે 3 દર્દીઓના મોત, 4 બાળકો હોસ્પિટલમાં સારવાર હેઠળ

પશ્ચિમ બંગાળમાં છેલ્લા ચાર દિવસમાં શંકાસ્પદ Guillain-Barre syndrome (GBS) થી એક બાળક સહિત ત્રણ લોકોના મોત થયા છે. જો કે, રાજ્યના આરોગ્ય વિભાગે હજુ સુધી મૃત્યુના કારણની સત્તાવાર પુષ્ટિ કરી નથી. કોલકાતા અને હુગલી જિલ્લાની સરકારી હોસ્પિટલમાં ત્રણેય લોકોના મોત થયા હતા. આરોગ્ય વિભાગના એક વરિષ્ઠ અધિકારીએ જણાવ્યું કે પશ્ચિમ બંગાળમાં સ્થિતિ સંપૂર્ણ નિયંત્રણમાં છે અને ગભરાવાનું કોઈ કારણ નથી.

મૃતકો આ સ્થળોના રહેવાસી હતા...

સૂત્રોએ જણાવ્યું કે મૃતકોમાં દેબકુમાર સાહુ (10), અરિત્રા મનલ (17), ઉત્તર 24 પરગના જિલ્લાના રહેવાસી અને હુગલી જિલ્લાના ધનિયાખલી ગામના રહેવાસી 48 વર્ષીય વ્યક્તિનો સમાવેશ થાય છે. તેમણે કહ્યું કે, દેબકુમારનું 26 જાન્યુઆરીએ કોલકાતાની બીસી રોય હોસ્પિટલમાં અવસાન થયું હતું, જ્યારે શહેરની NRS મેડિકલ કોલેજ અને હોસ્પિટલમાં સારવાર હેઠળ રહેલા આમદંગાના કિશોરનું બીજા દિવસે મૃત્યુ થયું હતું. હુગલી જિલ્લાના આ વ્યક્તિનું બુધવારે ત્યાંની હોસ્પિટલમાં મૃત્યુ થયું હતું. 

ચાર બાળકો હોસ્પિટલમાં સારવાર હેઠળ...

દરમિયાન, સૂત્રોએ જણાવ્યું હતું કે શંકાસ્પદ જીબી સિન્ડ્રોમથી પીડિત વધુ ચાર બાળકોને બીસી રોય હોસ્પિટલ અને ચાઇલ્ડ હેલ્થ ઇન્સ્ટિટ્યૂટમાં સારવાર આપવામાં આવી રહી છે. હાલમાં Guillain-Barre syndrome વિશે સત્તાવાર રીતે કશું કહેવામાં આવ્યું નથી.