મારી પુત્રી યુગાન્ડામાં ગેરકાયદેસર રીતે કેદ છે: પંકજ ઓસવાલ

ભારતીય મૂળના જાણીતા ઉદ્યોગપતિ પંકજ ઓસવાલે આરોપ લગાવ્યો છે કે તેમની 26 વર્ષની પુત્રી વસુંધરા ઓસવાલને યુગાન્ડામાં ગેરકાયદેસર રીતે કેદ કરવામાં આવી છે. યુગાન્ડાના રાષ્ટ્રપતિને લખેલા પત્રમાં, ઉદ્યોગપતિએ એવો પણ દાવો કર્યો હતો કે તેમની 26 વર્ષની પુત્રીને મૂળભૂત અધિકારો અને કુટુંબ અથવા કાનૂની પ્રતિનિધિત્વની પરવાનગીથી પણ વંચિત રાખવામાં આવી રહી છે.

ઓસ્વાલે યુનાઈટેડ નેશન્સ વર્કિંગ ગ્રૂપ ઓન આર્બિટ્રેરી ડિટેન્શનમાં તાકીદની અપીલ દાખલ કરી છે , જેમાં જણાવ્યું છે કે વસુંધરાની અપમાનજનક પરિસ્થિતિઓમાં પૂછપરછ કરવામાં આવી હતી અને કાનૂની સલાહકાર અથવા પરિવારની પરવાનગી વિના 90 કલાકથી વધુ સમય સુધી રાખવામાં આવી હતી. તેની બિનશરતી મુક્તિ માટે કોર્ટના આદેશ હોવા છતાં, પોલીસે તેને જામીન પર છોડવા માટે અસ્વીકાર્ય આરોપો લગાવ્યા.

"તેને તેના પરિવાર અને વકીલો સાથે સંપર્કમાં ન રહેવા દેવા અને તેની પાસેથી તેનો ફોન પણ છીનવી લેવામાં આવ્યો, જેના કારણે તેને ગભરામણ થવા લાગી જે  બાબતને પણ તેમણે સ્વીકારી નહીં અને ધ્યાને ન લીધી. તેની વિરુદ્ધ કોઈ પુરાવા વિના તેના ગેરકાયદેસર રીતે અટકાયત કરવામાં આવી છે. પરિવારે વસુંધરાના સત્તાવાર ઇન્સ્ટાગ્રામ એકાઉન્ટ પર એક પોસ્ટમાં જણાવ્યું હતું.

પીઆરઓ ઇન્ડસ્ટ્રીઝના એક્ઝિક્યુટિવ ડિરેક્ટર વસુંધરાને 1 ઓક્ટોબરથી "કોર્પોરેટ અને રાજકીય ચાલાકી"ના કારણે ટ્રાયલ વિના અટકાયતમાં રાખવામાં આવી છે. ઓસ્વાલ દાવો કરે છે કે તેમની પુત્રી સામેના આરોપો ભૂતપૂર્વ કર્મચારી દ્વારા કરવામાં આવેલા ખોટા આરોપોમાંથી ઉદભવે છે જેમણે કીમતી ચીજવસ્તુઓની ચોરી કરી હતી અને ઓસ્વાલના પરિવાર સાથે ગેરન્ટર તરીકે $200,000 લોન લીધી હતી.