મુંબઈમાં મેસીનો ક્રેઝ : વાનખેડેમાં ફૂટબોલ ફેન્સનો જમાવડો
ફૂટબોલના મહાન ખેલાડી લિયોનેલ મેસી હાલમાં ભારતની મુલાકાતે છે. કોલકાતા અને હૈદરાબાદમાં વિવિધ કાર્યક્રમોમાં ભાગ લીધા બાદ મેસી આજે મુંબઈ પહોંચ્યા હતા. મુંબઈના વાનખેડે સ્ટેડિયમમાં મેસીના સન્માનમાં એક ભવ્ય કાર્યક્રમનું આયોજન કરવામાં આવ્યું હતું, જેમાં હજારોની સંખ્યામાં ફૂટબોલ પ્રેમીઓએ ઉત્સાહભેર ભાગ લીધો હતો.
મેસીની એન્ટ્રી થતાં જ આખું સ્ટેડિયમ તેના નામના નારાઓથી ગૂંજી ઊઠ્યું હતું. કાર્યક્રમ દરમિયાન મેસીએ ભારતના મહાન ફૂટબોલર સુનિલ છેત્રી અને ક્રિકેટના દિગ્ગજ સચિન તેંડુલકર સાથે મુલાકાત કરી હતી.
છેત્રીને વર્લ્ડકપ જર્સી, સચિનને ક્રિકેટ જર્સી :&nbsp;
આ મુલાકાત દરમિયાન લિયોનેલ મેસીએ ભારતીય કેપ્ટન સુનિલ છેત્રીને વર્લ્ડકપ ફૂટબોલની ટી-શર્ટ ભેટમાં આપી હતી. ખુશ થયેલા સુનિલ છેત્રીએ મેસી સાથે એક યાદગાર સેલ્ફી પણ લીધી હતી.
બીજી તરફ, ક્રિકેટના ભગવાન તરીકે જાણીતા સચિન તેંડુલકરે મેસી સાથે મુલાકાત કરી હતી અને તેમને વર્લ્ડકપની ભારતીય ક્રિકેટ ટીમની જર્સી ભેટ આપીને તેમનું સ્વાગત કર્યું હતું.
મહારાષ્ટ્રના મુખ્યમંત્રી દેવેન્દ્ર ફડણવીસે પણ મેસીનું સ્વાગત કર્યું હતું. બોલિવૂડ જગતમાંથી અભિનેતા અજય દેવગણ અને ટાઈગર શ્રોફ પણ આ ભવ્ય કાર્યક્રમમાં હાજર રહ્યા હતા અને તેમણે મેસી સાથે મુલાકાત કરી હતી.
&nbsp;
&nbsp;

લિયોનેલ મેસી કોલકાતા-હૈદરાબાદ બાદ મુંબઈ પહોંચ્યા, સુનિલ છેત્રી અને સચિન સાથે મુલાકાત કરી

December 15, 2025 | 01:55 IST