ઉત્તરાખંડમાં આવેલ વિશ્વ વિખ્યાતનંદા દેવી રાષ્ટ્રીય પાર્ક ના બફર ઝોનમાં છેલ્લા ત્રણ દિવસથી ભીષણ આગ ફાટી નીકળી છે. જ્યોતિર્મઠ (જોશીમઠ) ના ગોવિંદઘાટ અને પાંડુકેશ્વર પાસેની પહાડીઓમાં લાગેલી આ દા દેવી રાષ્ટ્રીય પાર્કની આગ હવે ખૂબ જ મોટા વિસ્તારમાં ફેલાઈ ગઈ છે, જેના કારણે સમગ્ર વિસ્તારમાં ધુમ્મસભર્યું વાતાવરણ સર્જાયું છે. પરિસ્થિતિ એટલી ગંભીર છે કે ઉભી પહાડી અને રસ્તાના અભાવે નંદા દેવી રાષ્ટ્રીય પાર્કના વન કર્મચારીઓ હજુ સુધી આગ બુઝાવવા માટે જંગલની અંદર પણ પહોંચી શક્યા નથી. બદરીનાથ હાઈવેની બિલકુલ સામે આવેલી આ પહાડી પર પહોંચવાનો માર્ગ શોધવામાં પણ વન વિભાગને ભારે મુશ્કેલી પડી રહી છે, જેનાથી નંદા દેવી રાષ્ટ્રીય પાર્કની કિંમતી વન સંપત્તિ બળીને ખાખ થઈ રહી છે.
વન્યજીવોના અસ્તિત્વ પર પણ ખતરો
નંદા દેવી રાષ્ટ્રીય પાર્કના પ્રભાકીય વનાધિકારી અભિમન્યુએ જણાવ્યું હતું કે, અલકનંદા નદી પાર કરીને તે ઊભી પહાડી સુધી પહોંચવું અત્યંત જોખમી છે. પહાડ પરથી સતત પથ્થરો અને સળગતા ઝાડ પડી રહ્યા છે, જે જમીની સ્તરે કામ કરતા વનકર્મીઓ માટે જીવનું જોખમ ઊભું કરે છે. આ વિસ્તાર ઘુરડ (હિમાલયન ગોરલ) અને રીંછ જેવા દુર્લભ પ્રાણીઓનું કુદરતી નિવાસસ્થાન છે, તેથી નંદા દેવી રાષ્ટ્રીવી પાર્કના આ વન્યજીવોના અસ્તિત્વ પર પણ ખતરો મંડરાઈ રહ્યો છે. વન વિભાગે હવે પરિસ્થિતિ પર કાબૂ મેળવવા માટે જિલ્લા વહીવટીતંત્ર પાસે હેલિકોપ્ટરની માંગ કરી છે અને સાથે જ નંદા દેવી રાષ્ટ્રીય પાર્કની આગને કાબૂમાં લેવા NDRF અને SDRFની મદદ પણ માંગી છે.
ભારે વરસાદ ન થાય ત્યાં સુધી વન સંપત્તિને બચાવવો પડકાર
હાલમાં નંદા દેવી રાષ્ટ્રીય પાર્કના અધિકારીઓ દ્વારા ડ્રોન વડે આગનું નિરીક્ષણ કરવાનો પ્રયાસ કરવામાં આવ્યો છે, પરંતુ ડ્રોનની મર્યાદિત ઉડાન ક્ષમતાને કારણે ચોક્કસ આંકલન થઈ શક્યું નથી. એક ટીમને ફ્યુડારના રસ્તે પહાડીની ટોચ પર મોકલવામાં આવી છે. બીજી તરફ, કેદારનાથ વન્યજીવ વિભાગ હેઠળના હાપલા અને રૈંસૂના જંગલોમાં લાગેલી આગ પર વનકર્મીઓએ બે દિવસની મહેનત બાદ કાબૂ મેળવી લીધો છે, જે મોટી રાહતની વાત છે. જોકે, નંદા દેવી રાષ્ટ્રીય પાર્કમાં ફેલાયેલી આગ હજુ પણ બેકાબૂ છે અને જ્યાં સુધી હવાઈ મદદ કે ભારે વરસાદ ન થાય ત્યાં સુધી વન સંપત્તિને બચાવવી એક મોટો પડકાર છે.

નંદા દેવી રાષ્ટ્રીય પાર્ક

ર્ગમ ભૂપ્રદેશને કારણે વનકર્મીઓ ઘટનાસ્થળે પહોંચી શક્યા નથી

December 31, 2025 | 15:34 IST