આંધ્રમાં બસમાં ભીષણ આગ: 14 મુસાફરો જીવતા ભૂંજાયા

આંધ્રપ્રદેશના માર્કાપુરમ જિલ્લાના રાયવરમ પાસે ગુરુવારે સવારે એક કાળજું કંપાવતો અકસ્માત સર્જાયો છે. એક ખાનગી લક્ઝરી બસ અને ટીપર વચ્ચે થયેલી જોરદાર અથડામણ બાદ બસમાં અચાનક આગ ફાટી નીકળી હતી.

આ દુર્ઘટનામાં ઓછામાં ઓછા 14 મુસાફરોના ઘટનાસ્થળે જ મોત નીપજ્યા છે, જ્યારે 23 જેટલા લોકો ગંભીર રીતે દાઝી ગયા છે.

ઘટનાની વિગત

મળતી માહિતી મુજબ, ખાનગી ટ્રાવેલ્સની આ બસ તેલંગાણાના જગિત્યાલથી આંધ્રપ્રદેશના નેલોર જિલ્લાના કાલિગીરી જઈ રહી હતી. બસમાં આશરે 35 જેટલા મુસાફરો સવાર હતા.

રાયવરમ પાસે બસ અને સામેથી આવતા ટીપર વચ્ચે ભયાનક ટક્કર થઈ હતી. ટક્કર એટલી જોરદાર હતી કે બસમાં પળવારમાં જ આગ લાગી ગઈ હતી અને મુસાફરો અંદર જ ફસાઈ ગયા હતા.

માર્કાપુરમ એસપી વી. હર્ષવર્ધન રાજુએ જણાવ્યું હતું કે, "આ અકસ્માતમાં 14 લોકોના મોત થયા છે અને ડ્રાઈવર સહિત 23 ઘાયલોને તાત્કાલિક હોસ્પિટલ ખસેડવામાં આવ્યા છે. ઘટનાની સંપૂર્ણ વિગતો મેળવવાના પ્રયાસો ચાલુ છે." ટીપરનો ડ્રાઈવર પણ ઘાયલ થયો હોવાનું જાણવા મળ્યું છે.

મુખ્યમંત્રીએ શોક વ્યક્ત કર્યો

આંધ્રપ્રદેશના મુખ્યમંત્રી એન. ચંદ્રબાબુ નાયડુએ આ દુર્ઘટના અંગે ઊંડો શોક વ્યક્ત કર્યો છે. તેમણે અધિકારીઓ સાથે વાત કરી ઘાયલોને શ્રેષ્ઠ તબીબી સારવાર મળે તે સુનિશ્ચિત કરવા સૂચના આપી છે. સાથે જ, મુખ્યમંત્રીએ અકસ્માતના કારણોની ઊંડી તપાસ કરવા અને રિપોર્ટ સોંપવા આદેશ આપ્યા છે.

మార్కాపురం జిల్లా, రాయవరం సమీపంలో జరిగిన రోడ్డు ప్రమాదంపై గౌరవ ముఖ్యమంత్రి శ్రీ నారా చంద్రబాబు నాయుడు దిగ్భ్రాంతి వ్యక్తం చేశారు. టిప్పర్-ప్రైవేట్ ట్రావెల్స్ బస్సు ఢీకొన్న ఘటనలో బస్సులోని పలువురు ప్రయాణికులు సజీవ దహనం కావడంపై తీవ్ర విచారం వ్యక్తం చేశారు. అధికారులతో మాట్లాడి…

— CMO Andhra Pradesh (@AndhraPradeshCM) March 26, 2026

 

The mishap in Markapuram district, Andhra Pradesh, is tragic. Condolences to those who have lost their loved ones. May the injured recover at the earliest.

An ex-gratia of Rs. 2 lakh from PMNRF would be given to the next of kin of each deceased. The injured would be given Rs.…

— PMO India (@PMOIndia) March 26, 2026