ઈન્ડિગો ફ્લાઈટ કેન્સલેશનનો ક્રાઈસિસ

ભારતની સૌથી મોટી એરલાઈન્સ ઈન્ડિગોમાં સ્ટાફ અછત, પાયલટ રોસ્ટરિંગની સમસ્યાઓ અને નવા ફ્લાઈટ ડ્યુટી ટાઈમ લિમિટેશન (FDTL) નિયમોને કારણે પાંચમા દિવસે પણ વ્યાપક ફ્લાઈટ કેન્સલેશન અને વિલંબ ચાલુ છે. દેશભરના મુખ્ય એરપોર્ટ્સ પર હજારો મુસાફરો અટવાયા છે, જેમાં દિલ્હી, મુંબઈ, અમદાવાદ, ચેન્નઈ, જયપુર, ઈન્દોર, કોચી અને તિરુવનંતપુરમ જેવા શહેરો સૌથી વધુ પ્રભાવિત છે. ઈન્ડિગોના CEO પીટર એલ્બર્સે જણાવ્યું કે આજે (૬ ડિસેમ્બર) ૧,૦૦૦ કરતા ઓછી ફ્લાઈટ્સ કેન્સલ થશે, અને ૧૦-૧૫ ડિસેમ્બર વચ્ચે સ્થિતિ સામાન્ય થઈ જશે.

ઈન્ડિગોની આ અણધારી વિક્ષેપથી હવાઈ ટિકિટના ભાડામાં ચારથી છ ગણું વધારો થયો છે. કલકત્તા-મુંબઈ માર્ગે સ્પાઈસજેટની એક ટિકિટની કિંમત ૯૦,૦૦૦ રૂપિયા સુધી પહોંચી ગઈ, જ્યારે મુંબઈ-ભુવનેશ્વર માટે એર ઈન્ડિયાની ટિકિટ ૮૪,૦૦૦ રૂપિયા થઈ. ડાયરેક્ટરેટ જનરલ ઓફ સિવિલ એવિએશન (DGCA)એ FDTL નિયમોને તાત્કાલિક અમલમાં મુલતવી રાખી દીધા છે અને તપાસ માટે ચાર સભ્યોની કમિટી બનાવી છે.

દિલ્હી એરપોર્ટ પર સંકટ: IGIએ જારી કરી એડવાઈઝરી

ઇન્દિરા ગાંધી ઇન્ટરનેશનલ એરપોર્ટ (IGI)એ મોડી રાત્રે પેસેન્જર એડવાઈઝરી જારી કરી, જેમાં જણાવ્યું કે ઈન્ડિગોની ફ્લાઈટ સેવાઓ ધીમે-ધીમે સામાન્ય થઈ રહી છે. મુસાફરોને વિનંતી કરી કે ઘરેથી નીકળતા પહેલા ફ્લાઈટ સ્ટેટસ ચેક કરે. આજે દિલ્હીમાંથી ૧૦૬ ઈન્ડિગો ફ્લાઈટ્સ કેન્સલ થઈ, જેમાં ૫૪ ડિપાર્ચર અને ૫૨ એરાઈવલ્સ સામેલ છે. કાલે (૫ ડિસેમ્બર) ૧,૦૦૦ કરતા વધુ ફ્લાઈટ્સ કેન્સલ થયાના કારણે ટર્મિનલ્સ પર આખી રાત ભીડ રહી.

અમદાવાદમાં ગંભીર સ્થિતિ: ૧૯ ફ્લાઈટ્સ કેન્સલ

સરદાર વલ્લભભાઈ પટેલ ઇન્ટરનેશનલ એરપોર્ટ પર રાત્રે ૧૨થી સવારે ૬ વાગ્યા વચ્ચે ૭ એરાઈવલ્સ અને ૧૨ ડિપાર્ચર્સ કેન્સલ થયા, જેનાથી કુલ ૧૯ ઈન્ડિગો ફ્લાઈટ્સ પ્રભાવિત થઈ. મુસાફરોમાં રોષ વ્યક્ત થયો, કેટલાક આંસુઓ સાથે ફરિયાદ કરતા જોવા મળ્યા. એક મુસાફરે કહ્યું, "અમદાવાદથી જતી ફ્લાઈટ્સ કેન્સલ થઈ, હવે ટેક્સી બુક કરીને જવું પડે." એરલાઈન તરફથી સમયસર માહિતી ન મળવાની ફરિયાદો વધી.

ચેન્નઈમાં વ્યાપક કેન્સલેશન: આંતરિક પત્ર સામે આવ્યો

ચેન્નઈ એરપોર્ટ પરથી ઈન્ડિગોની ૨૯ કરતા વધુ ફ્લાઈટ્સ કેન્સલ થઈ, જેમાં પોર્ટ બ્લેર, અમદાવાદ, ગોવા, લખનઊ, મુંબઈ, બેંગલુરુ, હૈદરાબાદ, કોલકાતા, પટણા, પુણે અને કોચી જેવા મુખ્ય રૂટ્સ સામેલ છે. સવારે ૧૦:૩૦થી રાત્રે ૧૧:૧૫ સુધીની ફ્લાઈટ્સ પ્રભાવિત થઈ. એરલાઈનના ડ્યુટી મેનેજરના આંતરિક પત્રમાં CISFને વિનંતી કરી કે કેન્સલ થયેલી ફ્લાઈટ્સના મુસાફરોને ટર્મિનલમાં પ્રવેશની મંજૂરી ન આપવામાં આવે, જેથી ભીડ નિયંત્રિત થાય. આખા દિવસનું શેડ્યુલ ખોરવાઈ ગયું.

મુંબઈમાં મુસાફરો જમીન પર બેસ્યા: ભીડ અને તણાવ

મુંબઈ એરપોર્ટ પર ૧૦૪ ફ્લાઈટ્સ કેન્સલ થઈ, જેમાં ૫૩ ડિપાર્ચર્સ અને ૫૧ એરાઈવલ્સ છે. ભીડ એટલી વધી કે મુસાફરો – બાળકો, વૃદ્ધો અને બિઝનેસ ટ્રાવેલર્સ – જમીન પર બેસવા ફરજ પડી. એક મુસાફરે કહ્યું, "એરલાઈન વાળા ફક્ત 'રાહ જુઓ' કહે છે, કોઈ માહિતી નથી."

અન્ય શહેરોમાં અસર: કોચી, જયપુર, ઈન્દોરમાં વિલંબ

કોચીમાં ૬ ફ્લાઈટ્સ કેન્સલ, જ્યારે તિરુવનંતપુરમમાં ૩ એરાઈવલ્સ અને ૩ ડિપાર્ચર્સ. જયપુર અને ઈન્દોરમાં મુસાફરો કલાકો સુધી રાહ જોઈ, અને કનેક્ટિંગ ફ્લાઈટ્સ વાળા પરિવારો સોશિયલ મીડિયા પર ફરિયાદ કરતા જોવા મળ્યા. હૈદરાબાદમાં ૬૯ ફ્લાઈટ્સ (૨૬ એરાઈવલ્સ, ૪૩ ડિપાર્ચર્સ) કેન્સલ.

કારણો: સ્ટાફ અછત અને સિસ્ટમ સમસ્યા

ઈન્ડિગોના નિવેદન મુજબ, અચાનક સ્ટાફ ગેરહાજરી, ક્રૂ સિક્વન્સિંગમાં સમસ્યા અને FDTL નિયમોને કારણે આ ક્રાઈસિસ થયો. એરલાઈને કહ્યું કે તેઓ રિફંડ અને રીબુકિંગ પર વેઈવર આપી રહ્યા છે, અને હોટલ, ભોજન તથા લાઉન્જ ઍક્સેસની વ્યવસ્થા કરી છે.

રેલવેની મદદ: ૩૭ ટ્રેનમાં ૧૧૬ વધારાના કોચ

ફ્લાઈટ કેન્સલને કારણે ટ્રેનો તરફ મોટો વધારો થયો તેવી સ્થિતિમાં ભારતીય રેલવેએ ૩૭ પ્રીમિયમ ટ્રેનોમાં ૧૧૬ વધારાના કોચ ઉમેર્યા, જે ૧૧૪ ટ્રિપ્સ પર અમલમાં છે. સદરન રેલવેમાં ૧૮ ટ્રેનોમાં ચેર કાર અને સ્લીપર ક્લાસ કોચ ઉમેરાયા, જ્યારે પશ્ચિમી રેલવેમાં AC કોચ. આ ૬ ડિસેમ્બરથી અમલી, જેમાં દિલ્હી-કલકત્તા, દિલ્હી-જયપુર, દિલ્હી-અમદાવાદ જેવા માર્ગો પર વધુ ક્ષમતા.

ઈન્ડિગોના આ ક્રાઈસિસથી મુસાફરોની મુશ્કેલી વધી છે, પરંતુ સરકાર અને રેલવાના પગલાંથી કેટલીક રાહત મળી. મુસાફરોને સલાહ: ફ્લાઈટ સ્ટેટસ રેગ્યુલર ચેક કરો અને વૈકલ્પિક વ્યવસ્થા તૈયાર રાખો.