હોટલનું આરોગવાનું મોંઘુ પડશે, કોમર્શિયલ ગેસ સિલીન્ડર આટલો થયો મોંઘો

દર મહિનાની શરૂઆત પહેલાં તેલ કંપનીઓ દ્વારા સિલિન્ડરના ભાવમાં સુધારો કરવામાં આવે છે. માર્ચના પહેલા દિવસે પણ સિલિન્ડરના દરોમાં સુધારો કરવામાં આવ્યો હતો અને ભાવમાં વધારો કરવામાં આવ્યો હતો. હવે ઓઇલ કંપનીઓ દ્વારા લિક્વિફાઇડ પેટ્રોલિયમ ગેસ એટલે કે એલપીજી સિલિન્ડરના ભાવમાં વધારો કરવામાં આવ્યો છે. 19 કિલોગ્રામના કોમર્શિયલ LPG સિલિન્ડરના દરમાં વધારો થયો છે.

બજેટના દિવસે LPG ગેસ સિલિન્ડરના ભાવમાં થોડી રાહત મળી હતી. તેની કિંમતમાં 7 રૂપિયાનો ઘટાડો કરવામાં આવ્યો હતો. જોકે, હવે 19 કિલોગ્રામના કોમર્શિયલ LPG સિલિન્ડર મોંઘા કરવામાં આવ્યા છે. દિલ્હીમાં LPG સિલિન્ડરનો ભાવ ૧૭૯૭ રૂપિયાને બદલે ૧૮૦૩ રૂપિયા થઈ ગયો છે. કોલકાતામાં ૧૯ કિલોગ્રામના કોમર્શિયલ એલપીજી સિલિન્ડરની કિંમત ૧૯૦૭ રૂપિયાને બદલે ૧૯૧૩ રૂપિયા થઈ ગઈ છે.

તેલ કંપનીઓએ ઘરેલુ ગેસ સિલિન્ડર એટલે કે 14 કિલોગ્રામના LPG સિલિન્ડરના ભાવમાં કોઈ ફેરફાર કર્યો નથી. ૧ ઓગસ્ટ, ૨૦૨૪ થી દરો એ જ રહેશે. દિલ્હીમાં ઘરેલુ ગેસ સિલિન્ડરનો ભાવ ૮૦૩ રૂપિયા, મુંબઈમાં ૮૦૨.૫૦ રૂપિયા અને કોલકાતામાં ગેસ સિલિન્ડરનો ભાવ ૮૨૯ રૂપિયા છે.

ફેબ્રુઆરીમાં બજેટ રજૂ થયા પછી, માર્ચ મહિનામાં કોમર્શિયલ સિલિન્ડરના ભાવમાં નોંધપાત્ર વધારો થયો હોવાનું જોવા મળ્યું છે. છેલ્લા 5 વર્ષમાં માર્ચ મહિનામાં કોમર્શિયલ સિલિન્ડરના ભાવમાં ઘણો વધારો થયો છે. ગયા વર્ષે, એટલે કે 1 માર્ચ, 2024 ના રોજ, 26 રૂપિયાનો સીધો વધારો કરવામાં આવ્યો હતો. જ્યારે, આ વર્ષે 1 માર્ચ, 2025 ના રોજ, 19 કિલોગ્રામના કોમર્શિયલ સિલિન્ડરના ભાવમાં 6 રૂપિયાનો વધારો કરવામાં આવ્યો છે.