પ્રયાગરાજથી પરત ફરી રહેલા ગુજરાતીઓને નડ્યો અકસ્માત, 4ના મોત

પ્રયાગરાજથી પરત ફરતા અમરેલી અને ગારીયાધારના બે દંપતી સહિત ચારના અકસ્માતમાં મોત થયા છે. જ્યારે અકસ્માતમાં ઘાયલ થયેલ એક દીકરીની હોસ્પિટલ ખાતે સારવાર ચાલી રહી છે. ગઈકાલે ઝાંસીથી કાનપુર હાઇવે પર  અકસ્માત સર્જાતા આ દુર્ઘટના સર્જાઈ હતી.

આ અંગે મળેલી વિગતો અનુસાર એક દીકરીની સારવાર ચાલી રહી છે. ઝાંસીથી કાનપુર હાઇવે પર ટ્રક સાથે અકસ્માત સર્જાતા ગઈકાલે આ દુર્ઘટના સર્જાઈ હતી. આ ઘટનામાં કુલ બે દંપતીના મોતથી અરેરાટી મચી જવા પામી છે.

ગારીયાધાર તાલુકાના રૂપાવટી ગામના રહેવાસી બીપીનભાઈ ગોયાણી અને ભાવનાબેન તેમજ અમરેલીના દામનગર તાલુકાના ભાલવાવ ગામના દંપતી જગદીશભાઈ વિરાણી અને કૈલાશબેન વિરાણીનું અકસ્માતના બનાવવામાં મૃત્યુ થયું છે. આ બનાવના કારણે રૂપાવટી અને ભાલવાવ ગામમાં દુઃખની લાગણી પ્રસરી છે. હાલ તમામ મૃતકોને પોતાના વતન ખાતે લાવવામાં આવી રહ્યા છે.