બેરહમ પિતા, ચાર બાળકોને ઝેર પીવડાવ્યું, 3ના મોત

ભોજપુર જિલ્લામાં તનિષ્ક શો રૂમમાં થયેલી લૂંટ બાદ વધુ એક ચોંકાવનારો કિસ્સો પ્રકાશમાં આવ્યો છે. બિહિયા પોલીસ સ્ટેશન વિસ્તાર હેઠળના બેલવાનિયા ગામમાં, એક પિતાએ તેના ચાર બાળકો સાથે ઝેર પી લીધું.જેમાં ત્રણ બાળકોના મોત થયા છે, જ્યારે બે બાળકોની હાલત ગંભીર છે. તે બધાને તાત્કાલિક સારવાર માટે સદર હોસ્પિટલમાં લાવવામાં આવ્યા હતા, જ્યાં ડોક્ટરોએ ત્રણ બાળકોને મૃત જાહેર કર્યા હતા. એવું કહેવામાં આવી રહ્યું છે કે પરિવારના અન્ય સભ્યો લગ્ન સમારોહમાં ગયા હતા, ત્યારે આ લોકોએ ઝેરી દવા પીધી હતી. આ ઘટના બાદ, જ્યારે ઘરના બાકીના સભ્યો પહોંચ્યા, ત્યારે તેઓએ દરવાજો ખોલવાનો પ્રયાસ કર્યો પરંતુ દરવાજો ખુલ્યો નહીં. બાદમાં દરવાજો તોડવામાં આવ્યો અને જોયું તો પિતા અને તેમના ચાર બાળકો ગંભીર હાલતમાં પડેલા હતા.

બે પુત્રીઓ અને એક પુત્રનું મોત
પરિવારના સભ્યો તાત્કાલિક પાંચેયને સારવાર માટે સદર હોસ્પિટલમાં લઇ ગઅરવિંદ કુમાર, તેમની પુત્રીઓ નંદિની કુમારી (12), ડોલી કુમારી (5), આદર્શ કુમાર (10) અને ટોની કુમાર (6) જેઓનું તાત્કાલિક જ મોત નીપજ્યું હતું.. 

આ ઘટના બાદ પોલીસ ક્મીઓ ઘટના સ્થળે પહોંચીને આખા મલાની તપાસ શરૂ કરી. પોલીસે પરિવારના તમામ સભ્યોની પૂછપરછ શરૂ કરી છે, પરંતુ ઝેર પીવાનું કારણ હજુ સુધી જાણી શકાયું નથી. આ ઘટનાથી આખા ગામને આઘાત લાગ્યો છે. સ્થાનિક લોકોનું કહેવું છે કે યુવકની પત્નીનું તાજેતરમાં જ અવસાન થયું હતું. ગયા વર્ષે તેની પત્ની છત પરથી પડી જવાથી મૃત્યુ પામી હતી. ત્યારથી તે ચૂપ ચૂપ જ રહેતો હતો. એવું અનુમાન લગાવવામાં આવી રહ્યું છે કે ડિપ્રેશનના કારણે તેણે પહેલા બધા બાળકોને ઝેર ખવડાવ્યું અને પછી પોતે પણ ઝેર પીને આત્મહત્યા કરવાનો પ્રયાસ કર્યો.

 ઝેર કેમ પીધું તે સંપૂર્ણપણે સ્પષ્ટ નથી.
પોલીસ અધિકારીઓનું કહેવું છે કે આ મામલાની સંપૂર્ણ તપાસ કરવામાં આવશે અને ઘટના પાછળના કારણો ટૂંક સમયમાં બહાર આવશે. હાલમાં, મૃતદેહોને પોસ્ટમોર્ટમ માટે મોકલવામાં આવ્યા છે, અને તપાસ ચાલુ છે. આ દુ:ખદ ઘટનાથી ગામમાં વાતાવરણ ગમગીન બની ગયું છે. પરિવારના સભ્યો કંઈ પણ કહેવાનો ઇનકાર કરી રહ્યા છે. જોકે, પત્નીના મૃત્યુ પછી, પિતાને તેમના બાળકોની ખૂબ ચિંતા હતી.