Delhi Fire : ઓખલા લેન્ડફિલમાં આગ લાગી, ફાયર ફાઇટર ઘટનાસ્થળે પહોંચ્યું...

શુક્રવારે દિલ્હી (Delhi)ના ઓખલા લેન્ડફિલમાં આગ લાગી હતી. દિલ્હી ફાયર સર્વિસ (DFS) ના એક અધિકારીએ આ માહિતી આપી.

સોશિયલ મીડિયા પર એક વીડિયો વાયરલ થઈ રહ્યો છે જેમાં લેન્ડફિલમાંથી ધુમાડો નીકળતો જોવા મળી રહ્યો છે. અધિકારીએ જણાવ્યું કે, "અમને ઓખલા લેન્ડફિલમાં આગ લાગવાની માહિતી બપોરે લગભગ 2:45 વાગ્યે મળી હતી."

તેમણે કહ્યું, "ત્રણ ફાયર બ્રિગેડ વાહનો ઘટનાસ્થળે મોકલવામાં આવ્યા છે અને આગને કાબુમાં લેવાના પ્રયાસો કરવામાં આવી રહ્યા છે." સ્થાનિક પોલીસને પણ આ અંગે જાણ કરવામાં આવી છે.