મધ્યપ્રદેશ: બાળકોને મધ્યાહન ભોજન કાગળ પર પીરસાયું

મધ્યપ્રદેશના શેઓપુર જિલ્લામાં સરકારી શાળાનો વિડીયો વાયરલ થયો છે, જેમાં સરકારી મધ્યાહ્ન ભોજન યોજના (PM પોષણ શક્તિ નિર્માણ)ના અમલમાં ગંભીર બેદરકારી સામે આવી છે. શેઓપુરના વિજયપુર બ્લોકના હુલપુર ગામની એક મિડલ સ્કૂલમાં ગરીબ વિદ્યાર્થીઓને ખાવા માટે થાળીના બદલે કચરાના કાગળના ટુકડાઓ પર ભોજન આપવામાં આવી રહ્યું છે. 

તપાસના આદેશ

સોશિયલ મીડિયા પર વાયરલ થયેલા વીડિયોમાં સ્પષ્ટપણે જોઈ શકાય છે કે વિદ્યાર્થીઓ શાળાના કમ્પાઉન્ડની જમીન પર ખુલ્લા વિસ્તારમાં બેઠા છે અને તેમનું ભોજન વેફર્સના પ્લાસ્ટિકના પડીકાઓ પર પીરસવામાં આવ્યું છે. આ ઘટના સરકારી અને સહાયિત શાળાઓમાં બાળકોને પૌષ્ટિક અને સ્વચ્છ ભોજન પૂરું પાડવાના PM પોષણ યોજનાના અમલીકરણમાં રહેલી ગંભીર ખામી દર્શાવે છે.

#Breaking | મધ્યપ્રદેશ શાળામાં મધ્યાહન ભોજન પ્લેટના બદલે સ્ક્રેપ પેપર ઉપર મજબૂર,

વિદ્યાર્થીઓ જમીન પર બેસીને ભોજન લઈ રહ્યાં, તપાસ શરૂ. #MadhyaPradesh #MidDayMeals #SchoolNews #PMPoshan #BreakingNews #BenefitNews pic.twitter.com/DaZRvm6pWR

— Benefit News 24 (@BenefitNews24) November 8, 2025

આ ઘટના સામે આવતા જ શેઓપુરના જિલ્લા કલેક્ટર અર્પિત વર્માએ તાત્કાલિક સબ-ડિવિઝનલ મેજિસ્ટ્રેટ (SDM) દ્વારા તપાસના આદેશ આપ્યા હતા.

પ્રિન્સિપાલને નોટિસ

SDMની તપાસમાં આ ઘટનાની પુષ્ટિ થઈ હતી. ગેરરીતિ અને બેદરકારી બદલ, ભોજન પીરસવાની જવાબદારી ધરાવતા સ્વ-સહાય જૂથને તાત્કાલિક બરતરફ કરવામાં આવ્યું છે. આ ઉપરાંત શાળાના પ્રિન્સિપાલને પણ કારણદર્શક નોટિસ જારી કરવામાં આવી છે.

ઉલ્લેખનીય છે કે, 2023ની વિધાનસભા ચૂંટણીના મેનિફેસ્ટોમાં શાસક ભાજપે મધ્યાહ્ન ભોજનની ગુણવત્તા સુધારવાનું વચન આપ્યું હતું, જેમાં સંતુલિત પોષણ સુનિશ્ચિત કરવા માટે ટેટ્રા-પેક્ડ દૂધ અને પૌષ્ટિક ખોરાકનો પ્રસ્તાવ હતો. આ પ્રકારની ઘટનાઓ યોજનાના હેતુ અને અમલીકરણ વચ્ચેના અંતરને દર્શાવે છે. 

એક સ્ટડી પ્રમાણે પ્લાસ્ટિકના કન્ટેનર કે પડીકામાં ખાવું જોખમકારક બની શકે છે. તેના ખરતા કેમિલ્સથી હાર્ટની બીમારીઓ અને આંતરડાની બીમારીઓ પણ થઇ શકે છે. બાળકોના સ્વાસ્થ્ય સાથે ચેડા એ સરકારની ઘોર બેદરકારી બતાવે છે. મધ્યાહ્ન ભોજન યોજનામાં આ ગંભીર નેગ્લિજન્સ સામે સ્કૂલ ઇન-ચાર્જ ભોગીરામ ધાકડને સસ્પેન્ડ કરાયો અને મધ્યાહન ભોજનનો કોન્ટ્રેક્ટ રદ કરી દેવામાં આવ્યો છે.