કરોડો નોકરીયાત વર્ગ માટે કેન્દ્ર સરકાર તરફથી અત્યાર સુધીના સૌથી મોટા અને રાહતજનક સમાચાર સામે આવ્યા છે. એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO) ટૂંક સમયમાં જ એવી ક્રાંતિકારી સુવિધા શરૂ કરવા જઈ રહ્યું છે, જેનાથી પીએફ સબસ્ક્રાઇબર્સ હવે ડાયરેક્ટ ATM મશીન કે UPI&nbsp;દ્વારા પોતાના બચત કરેલા નાણાં ઉપાડી શકશે.&nbsp;
મનસુખ માંડવિયાએ આપી મોટી અપડેટ કેન્દ્રીય શ્રમ અને રોજગાર મંત્રી મનસુખ માંડવિયાએ તાજેતરમાં એક કોન્ક્લેવ દરમિયાન આ અંગે મહત્વની જાહેરાત કરી હતી. 
તેમણે જણાવ્યું હતું કે, સરકાર પ્રોવિડન્ટ ફંડની એક્સેસને વધુ સરળ અને કાર્યક્ષમ બનાવવા પર ધ્યાન કેન્દ્રિત કરી રહી છે. મંત્રીના જણાવ્યા અનુસાર, નવી સિસ્ટમ માર્ચ 2026 પહેલા શરૂ થવાની સંભાવના છે. અત્યારે પીએફ ધારકોએ ઓનલાઈન કે ઓફલાઈન ક્લેમ સબમિટ કરવો પડે છે, જેમાં વેરિફિકેશન અને વહીવટી પ્રક્રિયાને કારણે ઘણીવાર વિલંબ થતો હોય છે, પરંતુ હવે આ પ્રક્રિયા ભૂતકાળ બની જશે.
કઈ રીતે કામ કરશે નવી સિસ્ટમ? નવા માળખા હેઠળ, પીએફ એકાઉન્ટ્સ સભ્યોના બેંક ખાતાઓ સાથે સીધા લિંક કરવામાં આવશે. આ પ્રક્રિયા આધાર&nbsp;અને યુનિવર્સલ એકાઉન્ટ નંબર (UAN) દ્વારા પહેલેથી જ જોડાયેલી છે. 
આ એકીકરણથી ડેબિટ કાર્ડ અને&nbsp;ATM સિસ્ટમમાં જ એક સમર્પિત 'PF ફીચર' ઉમેરવામાં આવશે. જેના પરિણામે સબસ્ક્રાઇબર્સ જરૂરિયાતના સમયે કોઈ પણ લાંબી ફોર્મ ભરવાની વિધિ વગર સીધા જ એટીએમ મશીન પર જઈને નાણાં ઉપાડી શકશે.
નિયમોમાં પણ કરાયા ધરખમ ફેરફારો ઉલ્લેખનીય છે કે, ઓક્ટોબર 2025માં સેન્ટ્રલ બોર્ડ ઓફ ટ્રસ્ટીઝ (CBT)ની બેઠકમાં પણ ઉપાડના નિયમોમાં મોટા સુધારા કરવામાં આવ્યા હતા. 
નવા નિયમો મુજબ, પીએફ ધારકો કોઈપણ ખાસ કારણ આપ્યા વગર તેમના કુલ ભંડોળના 75 ટકા સુધીની રકમ ઉપાડી શકે છે. આ ઉપરાંત, એડવાન્સ ઉપાડ માટે જરૂરી મિનિમમ સર્વિસ પિરિયડ ઘટાડીને માત્ર એક વર્ષ કરી દેવામાં આવ્યો છે.
આ નવી ટેકનોલોજીકલ સિસ્ટમથી મધ્યમ વર્ગના કર્મચારીઓને આકસ્મિક આર્થિક જરૂરિયાતના સમયે મોટી રાહત મળશે અને સરકારી તંત્રની જટિલતાઓમાં પણ ઘટાડો થશે.

હવે UPIથી નીકળશે PFના પૈસા

માર્ચ 2026 પહેલા EPFOની નવી સુવિધા, હવે ગણતરીની મિનિટોમાં ખાતામાંથી ઉપાડો રોકડ

December 17, 2025 | 21:07 IST