મહિલાઓના નામે પ્રોપર્ટી ખરીદવા પર મળશે મોટી રાહત, નાણામંત્રીએ કરી મોટી જાહેરાત

હવે મહિલાઓના નામે મિલકત ખરીદવા માટે નોંધણી દરમિયાન વસૂલવામાં આવતી સ્ટેમ્પ ડ્યુટીમાં રાહત આપવાની જાહેરાત કરવામાં આવી છે. આ સાથે ગરીબોને ઘર ખરીદતી વખતે રજીસ્ટ્રેશન માટે સ્ટેમ્પ ડ્યુટીમાં મોટી રાહત મળી શકશે.

બજેટ 2024: મિલકત ખરીદવી એ દરેક વ્યક્તિનું જીવનભરનું સ્વપ્ન છે. સામાન્ય લોકોના આ સપનાને સાકાર કરવા કેન્દ્રની મોદી સરકારે મોટી જાહેરાત કરી છે. હવે મહિલાઓના નામે મિલકત ખરીદવા માટે નોંધણી દરમિયાન વસૂલવામાં આવતી સ્ટેમ્પ ડ્યુટીમાં રાહત આપવાની જાહેરાત કરવામાં આવી છે. આ સાથે ગરીબોને ઘર ખરીદતી વખતે રજીસ્ટ્રેશન માટે સ્ટેમ્પ ડ્યુટીમાં મોટી રાહત મળી શકશે. આ સિવાય સરકારે આવાસ માટે અન્ય ઘણી જાહેરાતો પણ કરી છે.

 પીએમ આવાસ હેઠળ 3 કરોડ નવા મકાનો

2024નું બજેટ રજૂ કરતી વખતે નાણામંત્રી નિર્મલા સીતારમણે કહ્યું કે પ્રધાનમંત્રી આવાસ યોજના હેઠળ ગામડાઓ અને શહેરોમાં 3 કરોડ ઘરો બનાવવામાં આવશે. આ સિવાય નાણામંત્રીએ આગામી પાંચ વર્ષમાં શહેરી આવાસ માટે 2.2 લાખ કરોડ રૂપિયાની કેન્દ્રીય સહાયનો પ્રસ્તાવ મૂક્યો છે. નાણામંત્રીએ એમ પણ કહ્યું કે પીએમ સૂર્ય ઘર મફત વીજળી યોજનાને નોંધપાત્ર પ્રતિસાદ મળ્યો છે અને 1.8 કરોડ લોકોએ તેના હેઠળ નોંધણી કરાવી છે.

ભાડાનું ભારણ ઘટાડવાની જાહેરાત

નાણામંત્રીએ શહેરોમાં કામ કરતા કામદારોના ભાડાના બોજને ઘટાડવા માટે મોટી જાહેરાતો કરી છે. નાણામંત્રી નિર્મલા સીતારમણે બજેટ ભાષણમાં કહ્યું હતું કે સરકાર શહેરોમાં રેન્ટલ હાઉસિંગનો વિકાસ કરશે. આ હાઉસિંગ સ્કીમ મોટી કંપનીઓ અને ફેક્ટરીઓની આસપાસ બનાવવામાં આવશે. આ સાથે કારખાનાઓમાં કામ કરતા કામદારોને સસ્તા ભાડા પર મકાન મળી શકશે. આ આવાસ PPP મોડમાં બનાવવામાં આવશે.

સાતમી વખત બજેટ રજૂ થયું

તમને જણાવી દઈએ કે પાછલા વર્ષોની જેમ આ વખતે પણ નાણામંત્રી નિર્મલા સીતારમણે વર્તમાન નાણાકીય વર્ષ 2024-25નું બજેટ પેપરલેસ ફોર્મેટમાં રજૂ કર્યું હતું. આ દરમિયાન નાણામંત્રીએ કિરમજી બોર્ડરવાળી 'ક્રીમ' રંગની સિલ્કની સાડી પહેરી હતી. નિર્મલા સીતારમણે સાતમી વખત બજેટ રજૂ કર્યું. 

બજેટ રજૂ કરતા પહેલા, તેમણે પરંપરાગત 'બ્રિફકેસ' લઈને અધિકારીઓની તેમની ટીમ સાથે તેમની ઓફિસની બહાર ફોટો માટે પોઝ આપ્યો હતો. ટેબ્લેટને બ્રીફકેસને બદલે સોનાના રંગના રાષ્ટ્રીય પ્રતીક સાથે લાલ કવરની અંદર મૂકવામાં આવ્યું હતું. રાષ્ટ્રપતિ ભવન ખાતે રાષ્ટ્રપતિ દ્રૌપદી મુર્મુને મળ્યા બાદ તે સીધી સંસદ પહોંચી હતી. અહીં તેમણે બજેટ રજૂ કર્યું.