ગુજરાત એન્ટી-ટેરરિસ્ટ સ્ક્વોડ (ATS) દ્વારા ઇસ્લામિક સ્ટેટ-ખોરાસાન પ્રોવિન્સ (ISKP) સાથે સંકળાયેલા આતંકવાદીઓની ધરપકડ બાદ તપાસમાં મોટા ખુલાસાઓ થયા છે. ATS દ્વારા ઝડપાયેલા આરોપીઓ મોહમ્મદ સુહેલ, ડૉ. અહેમદ, અને આઝાદની તપાસમાં તેમના કટ્ટરપંથીકરણ&nbsp;અને ઓપરેશનલ પ્લાનિંગ અંગે મહત્ત્વની માહિતી મળી છે. 
ઉત્તર પ્રદેશ સ્થિત&nbsp;ISKP શંકાસ્પદ મોહમ્મદ સુહેલના ઘરેથી ISISનો ધ્વજ મળી આવ્યો છે, જ્યારે હૈદરાબાદમાં ડૉ. અહેમદના નિવાસસ્થાનેથી ડિજિટલ પુરાવાઓ જપ્ત કરવામાં આવ્યા છે.
તપાસ અધિકારીઓએ જણાવ્યું હતું કે, ડૉ. અહેમદને બે મહિના પહેલાં આરોપી આઝાદ અને સુહેલ દ્વારા એક પાર્સલ મોકલવામાં આવ્યું હતું, જેમાં 1.5 લાખ રૂપિયા રોકડા હતા. આ રકમ કથિત રીતે એક પાકિસ્તાની હેન્ડલરના નિર્દેશ પર મોકલવામાં આવી હતી. ડૉ. અહેમદની ધરપકડ સમયે તેની પાસેથી હથિયારો સાથે અન્ય એક પાર્સલ પણ મળી આવ્યું હતું. આ ખુલાસાના આધારે આઝાદ અને સુહેલની અટકાયત કરવામાં આવી છે. ATS આ નાણાંના સ્ત્રોત અને સમગ્ર પ્રવૃત્તિ પાછળના પાકિસ્તાની કનેક્શન અંગે ઊંડાણપૂર્વક તપાસ કરી રહી છે.
ડૉક્ટર બન્યા બાદ કટ્ટરપંથીકરણ
આરોપી ડૉ. અહેમદ મોહીઉદ્દીન સૈયદ વિશે ચોંકાવનારી માહિતી મળી છે કે, મેડિકલ ડિગ્રી મેળવ્યા બાદ તે કટ્ટરપંથી વિચારધારા તરફ વળ્યો હતો. ડિજિટલ પુરાવાઓ દર્શાવે છે કે તેણે 'અબુ ખલીજા' નામના એક વ્યક્તિને મોટો આતંકવાદી હુમલો કરવા માટે શપથ પણ લેવડાવ્યા હતા. તેના આ ઉગ્રવાદી વલણની જાણ થતાં જ તેના પરિવારે પણ વિરોધ કર્યો હતો, અને કથિત રીતે તેના લગ્નના માત્ર બે મહિનામાં જ તેની પત્ની તેને છોડી ગઈ હતી. CCTV ફૂટેજમાં ડૉ. અહેમદ 07-11-2025ના રોજ એક હોટેલ આસપાસ જોવા મળે છે.
અન્ય આરોપી આઝાદે પણ આતંકી પ્રવૃત્તિઓમાં સક્રિય ભૂમિકા ભજવી હતી. ATS તપાસમાં જાણવા મળ્યું કે આઝાદે જમ્મુ-કાશ્મીરના બારામુલા વિસ્તારમાં આતંકી હુમલો કરવાની તક શોધવા માટે મુસાફરી કરી હતી, પરંતુ તે સફળ થઈ શક્યો ન હતો. ત્યારબાદ તેણે ટ્રેનમાં એક વ્યક્તિને મળીને તેની સાથે હરિદ્વારની મુલાકાત લીધી હતી, જ્યાં તેણે મહત્ત્વના હિંદુ ધર્મસ્થળોની રેકી કરી હતી. 
ડૉ. અહેમદ અને તેના હેન્ડલર વચ્ચેની વાતચીતમાં ડિજિટલ અનામી&nbsp; (Anonymity) જાળવવા અંગેનું સાહિત્ય પણ મળી આવ્યું છે, જે તેમની ગુપ્ત ઓપરેશનલ યોજનાઓ દર્શાવે છે.
<img style="display: block; margin-left: auto; margin-right: auto;" src="https://ibp-benefits.s3.ap-south-1.amazonaws.com/prod/news/uploads/images/1763702688284_Add%2520a%2520subheading.png.png" alt="Add a subheading.png" width="502" height="344">
આતંકવાદી ડૉક્ટર અહેમદ વિશે વધુ ચોંકાવનારી વિગતો સામે આવી રહી છે. તેણે એક વ્યક્તિને &ldquo;મોટી કાર્યવાહી કરવામાં આવશે&rdquo; એવી કસમ લખડાવ્યાનું બહાર આવ્યું છે, જેના સંબંધિત ડિજિટલ પુરાવા પણ ATSને મળી આવ્યા છે. વધુમાં, ડૉક્ટર અહેમદની બહેન પણ વ્યવસાયે ડૉક્ટર હોવાનું જાણવા મળ્યું છે.
&nbsp;

ATSનો પાકિસ્તાન કનેક્શનના ષડ્યંત્ર પર મોટો ખુલાસો

ડૉ. અહેમદ–સુહેલ–આઝાદના પાકિસ્તાની કનેક્શન, રેકી અને હથિયાર સપ્લાયના પુરાવા ATSના હાથે

November 21, 2025 | 16:35 IST