Chhattisgarh : બીજાપુરમાં 8 માઓવાદીઓનું એનકાઉન્ટર, સુરક્ષા દળોને મોટી સફળતા

છત્તીસગઢના બીજાપુર જિલ્લામાં શનિવારે ફરી એકવાર સુરક્ષા દળો અને નક્સલવાદીઓ વચ્ચે અથડામણનો મામલો સામે આવ્યો છે. અહીં સુરક્ષા દળોએ એન્કાઉન્ટરમાં 8 માઓવાદીઓને ઠાર કર્યા છે. પોલીસ અધિકારીઓએ ઘટના અંગે માહિતી આપી હતી. અધિકારીઓએ જણાવ્યું કે, બીજાપુરના ગંગાલુર પોલીસ સ્ટેશન વિસ્તારમાં સુરક્ષા દળો અને માઓવાદીઓ વચ્ચે હજુ પણ અથડામણ ચાલુ છે. 

શુક્રવારે ઇનપુટ મળ્યા હતા...

અધિકારીઓના જણાવ્યા અનુસાર, શુક્રવારે ગંગાલુરમાં માઓવાદીઓના પશ્ચિમ બસ્તર વિભાગમાંથી સશસ્ત્ર માઓવાદીઓની હાજરીની માહિતી મળ્યા બાદ, ડિસ્ટ્રિક્ટ રિઝર્વ ગાર્ડ (DRG), સ્પેશિયલ ટાસ્ક ફોર્સ (STF) અને સેન્ટ્રલ રિઝર્વ પોલીસ ફોર્સની ટીમો (CRPF) અને કોબરા બટાલિયન દરોડામાં સામેલ હતા. 

સવારથી એન્કાઉન્ટર ચાલુ છે...

અધિકારીઓના જણાવ્યા અનુસાર, શનિવારે સવારે 8.30 વાગ્યે માઓવાદીઓએ સુરક્ષા દળોની સંયુક્ત ટીમ પર ગોળીબાર શરૂ કર્યો, જેના પછી સુરક્ષા દળોએ જવાબી કાર્યવાહી કરી. તેમણે કહ્યું કે, સુરક્ષા દળો અને માઓવાદીઓ વચ્ચેના એન્કાઉન્ટરમાં આઠ માઓવાદીઓ માર્યા ગયા. અધિકારીઓના જણાવ્યા અનુસાર એન્કાઉન્ટર અંગે વધુ માહિતીની રાહ જોવાઈ રહી છે. તેમણે કહ્યું કે, આ વિસ્તારમાં સર્ચ ઓપરેશન ચાલી રહ્યું છે.