Maharashtra માં GBS વાયરસની અસર: 124 દર્દીઓ, 5 મૃત્યુ, 28 દર્દીઓ વેન્ટિલેટર પર

મહારાષ્ટ્ર (Maharashtra)માં Guillain-Barre syndrome (GBS) ઝડપથી વધી રહ્યો છે. જેના કારણે મહારાષ્ટ્ર (Maharashtra)માં મૃત્યુઆંક 5 પર પહોંચી ગયો છે. 149 શંકાસ્પદ દર્દીઓમાંથી 124 દર્દીઓમાં GBS વાયરસની પુષ્ટિ થઈ છે. હાલ 28 દર્દીઓ વેન્ટિલેટર પર છે. આજે પણ 3 નવા દર્દીઓ મળી આવ્યા છે. મોટાભાગના કેસ પુણે અને પિંપરી ચિંચવડ નજીકના છે.

મહારાષ્ટ્ર સિવાય અન્ય રાજ્યોમાં પણ તેની અસર, આસામમાં એકનું મોત...

એવું નથી કે, GBS વાયરસના કેસ માત્ર મહારાષ્ટ્ર (Maharashtra)માં વધી રહ્યા છે પરંતુ તે અન્ય રાજ્યોમાં પણ નોંધાઈ રહ્યા છે. તાજેતરમાં, આસામમાં પણ આ વાયરસનો એક કેસ નોંધાયો હતો અને એક ખાનગી હોસ્પિટલમાં શંકાસ્પદ (GBS) ના કારણે 17 વર્ષની છોકરીનું મૃત્યુ નોંધાયું હતું. આ સીઝનમાં આસામમાં આ પ્રકારનો આ પહેલો કેસ છે. ડોકટરોએ શનિવારે છોકરીના મૃત્યુની જાણ કરી હતી, પરંતુ હોસ્પિટલ અથવા રાજ્યના આરોગ્ય વિભાગ તરફથી કોઈ સત્તાવાર પુષ્ટિ મળી નથી.

ડોક્ટરે કહ્યું હતું કે, બાળકીની હાલત ખરાબ થઈ ગઈ હતી અને તેને વેન્ટિલેટર સપોર્ટ પર રાખવામાં આવી હતી. તે ખૂબ જ ગંભીર પ્રકારનો GBS હતો અને તે રાત્રે મૃત્યુ પામી હતી. તેમણે કહ્યું હતું કે, આ સીઝનમાં આસામમાં GBS નો આ પહેલો જાણીતો કેસ છે, જો કે તે ખૂબ જ સામાન્ય બેક્ટેરિયલ રોગ છે, જે નર્વસ સિસ્ટમને અસર કરે છે. છેલ્લા છ મહિનામાં GBS ના કોઈ કેસ નોંધાયા નથી. સમગ્ર ભારતમાં GBS ના કેસોમાં વધારો થયો છે અને તે ઘણી જગ્યાએ મળી આવ્યો છે.

તમને જણાવી દઈએ કે, જ્યારથી કોરોના વાયરસે દુનિયાને પોતાની ઝપેટમાં લીધી છે ત્યારથી બીજા ઘણા પ્રકારના વાઈરસ સાંભળવામાં આવ્યા છે જે માણસોને પોતાની અસરમાં લઈ રહ્યા છે. જો કે આ વાયરસ કોરોના જેટલા ખતરનાક નથી અને તેની અસરો પણ કોરોના જેટલી વ્યાપક નથી, તેમ છતાં માનવીએ તેનાથી સાવધ રહેવાની જરૂર છે.