Delhi Election : કોંગ્રેસે જાહેર કર્યો મેનિફેસ્ટો, મહિલાઓને દર મહિને રૂ. 2500, યુવાનોને રૂ. 8500,જાણો શું છે ખાસ...

કોંગ્રેસે દિલ્હી વિધાનસભા ચૂંટણી માટે પોતાનો ચૂંટણી ઢંઢેરો જાહેર કર્યો છે. કોંગ્રેસના નેતા જયરામ રમેશે જણાવ્યું હતું કે, "આ ગેરંટીનો ઉપયોગ આજે તમામ પક્ષો કરી રહ્યા છે. પ્રથમ વખત કોંગ્રેસ પાર્ટીએ કર્ણાટકની ચૂંટણી દરમિયાન ગેરંટી શબ્દનો ઉપયોગ કર્યો હતો, અમે ઇચ્છતા હતા કે જનતા સુધી સંદેશ પહોંચે કે કોંગ્રેસ ગમે તે કહે, તેમની આ ગેરંટી માત્ર પાર્ટીની નથી પરંતુ કોંગ્રેસે પોતાની 5 ગેરંટી ઘણા સમય પહેલા આપી છે જે પૂરી થશે.

કોંગ્રેસે દિલ્હીની જનતાને આ પાંચ ગેરંટી આપી હતી...

દરેક ગરીબ પરિવારમાંથી એક મહિલાને દર મહિને 2500 રૂપિયા આપશે.

દિલ્હીના તમામ રહેવાસીઓને 25 લાખ રૂપિયા સુધીની મફત સારવારની સુવિધા આપશે. જેમાં મફત દવાઓ અને ટેસ્ટ પણ સામેલ હશે. 

તમામ બેરોજગાર યુવાનોને જાહેર અથવા ખાનગી ક્ષેત્રમાં એક વર્ષની એપ્રેન્ટિસશીપ આપવામાં આવશે, જે દરમિયાન તેમને દર મહિને 8,500 રૂપિયા પણ મળશે. 

અમે 500 રૂપિયામાં LPG સિલિન્ડર આપીશું. દર મહિને 5 કિલો ચોખા, 2 કિલો ખાંડ, 1 કિલો રસોઈ તેલ, 6 કિલો કઠોળ, 250 ગ્રામ ચાની પત્તી સહિતની મફત રાશન કીટ આપવામાં આવશે. 

તમામ પાત્ર પરિવારોને 300 યુનિટ મફત વીજળી આપવામાં આવશે.