રાજકોટમાં પ્રેમસંબંધના મામલે યુવકની હત્યા

રાજકોટ જિલ્લાના મોરબી તાલુકાના થોરાળા ગામમાં પ્રેમ સંબંધના મુદ્દે બે શખ્સોએ  યુવકની હત્યા કરી હોવાનો ચોંકાવનારો બનાવ બન્યો છે. પોલીસે હત્યાના કેસમાં બે ભાઇની ધરપકડ કરી છે.

મોરબી તાલુકાના થોરાળા ગામમાં અમૂલ સર્કલ પાસે યુવકની કરપીણ હત્યા કરાઇ હતી . આજી ડેમ ફૂટપાથ પર રહેતા મુકેશ અરજણ ગુજરાતી નામના યુવકની હત્યા કરીને અજાણ્યા શખ્સ ફરાર થઇ ગયા હતા જેથી પોલીસે તપાસ શરુ કરી હતી. પોલીસ દ્વારા તપાસ કરાતા બહાર આવ્યું કે યુવકની હત્યા પ્રેમ સંબંધમાં કરવામાં આવી છે. પોલીસે ઉંડાણપૂર્વક તપાસ કરતા બનાવ પછી એક રિક્ષા ત્યાંથી શંકાસ્પદ હાલતમાં નીકળી હોવાનું ધ્યાનમાં આવતા પોલીસે વધુ તપાસ આદરી હતી.

દરમિયાન આ યુવક મજૂરી કામ કરતો હોવાનું અને તે પત્ની અને 2 બાળકો સાથે રહેતો હોવાનું બહાર આવ્યું હતું તથા તેની પત્ની કોઇ રિક્ષા ચાલક સાગર સાથે પ્રેમસબંધ ધરાવતી હોવાનું પણ પોલીસ તપાસમાં બહાર આવ્યું હતું અને યુવકની પત્નીને આ બાબતે બોલાચાલી થતાં સાગર મકવાણા અને સંજય સોલંકીએ મૃતક મુકેશની હત્યા કરી હતી. પોલીસે બંને આરોપી સાગર મકવાણા અને સંજય સોલંકીને ગોંડલ ચોકડી પાસેથી ઝડપી લીધા હતા.