તેરા તુજકો અર્પણ

નાગરિકોની સલામતી અને સુવિધાને લઈ ગુજરાત પોલીસે ‘તેરા તુજકો અર્પણ’ કાર્યક્રમની નવતર પહેલ શરૂ કરી છે. આ કાર્યક્રમ અંતર્ગત પોલીસે રૂપિયા 180.37 કરોડથી વધુનો ચોરી થયેલો મુદ્દામાલ મૂળ માલિકોને પરત કર્યો છે. એટલુ જ નહિ, મંદિર ચોરીના 65 કેસનો ભેદ ઉકેલી 130 આરોપીને પકડી રૂપિયા 1.57 કરોડનો મુદ્દામાલ પરત આપ્યો છે.

ચોરી, લૂંટ સહિતના ગુનાઓમાં રિકવર કરેલા કે કબજે કરેલા મુદ્દામાલને કોર્ટના માર્ગદર્શન હેઠળ ઝડપથી મૂળ માલિકોને પરત આપવા ગુજરાત પોલીસે ‘તેરા તુજકો અર્પણ’ નામનો કાર્યક્રમ શરૂ કર્યો છે. અરજદારોને પોલીસ સ્ટેશનના ધક્કા ખાવા ન પડે તે માટે જાહેર કાર્યક્રમ યોજીને મૂળ માલિકોને મુદ્દામાલ પરત કરવામાં આવી રહ્યો છે.

ગુજરાતમાં બે વર્ષમાં કુલ 2802 ‘તેરા તુજકો અર્પણ’ કાર્યક્રમો યોજાયા છે. જેમાં રૂપિયા 180.37 કરોડથી વધુનો મુદ્દામાલ મૂળ માલિકોને પરત કરવામાં આવ્યો છે. આ ઉપરાંત મંદિર ચોરીના ગુનાઓમાં 65 કેસનો ભેદ ઉકેલી 130 આરોપીને પકડી રૂપિયા 1.57 કરોડનો મુદ્દામાલ પરત કર્યો છે.