Happy Women's Day 2025: ગુજરાતનું એ રેલ્વે સ્ટેશન જ્યાં મહિલાઓ કરે છે કુલીનું કામ

દેશભરના એકમાત્ર એવું રેલવે સ્ટેશન છે જ્યાં છેલ્લા ત્રણ પેઢીઓથી મહિલાઓ કુલી તરીકે કામ કરે છે. ભાગ્યે જ કોઇ રેલવે સ્ટેશન મહિલા સાફ સફાઇ કે મહિલાઓના કામ માટે જોવા મળે છે. પરંતુ ભાવનગરમાં આવેલું આ એક રેલવે સ્ટેશન જ્યાં મહિલાઓ છેલ્લાં ઘણાં વર્ષોથી કુલીનું કામ કરે છે.  રાજારજવાડા સમયે મહિલાઓને જીવનજરૂરીયાત ચીજવસ્તુઓ મળી રહે અને પોતાના દમ પર જીવન જીવી શકે તે માટે મહારાજા કુષ્ણકુમારસિંહજીએ મહિલા કુલીઓને બેજની વ્યવસ્થા કરી આપી હતી. જેના કારણે આજ દિન સુધી આ પરંપરા ચાલી આવી છે.

સિટીના રેલ્વે સ્ટેશનને કુલી તરીકે કાર્યરત રાખનાર મહિલાઓ ભાવનગરની એક ઓળખ બની ગઇ છે. ભાવનગર રેલ્વે સ્ટેશન પર અંદાજીત 13 મહિલાઓ કુલી તરીકે કામ કરી રહી છે. જેમા ઘણી મહિલાઓ એવી પણ છે જેમની પાસે કુલીનું બેઝ છે. આ મહિલાઓથી પ્રભાવિત થઇ આનંદીબેન પટેલે તેમની મુલાકાત લીધી હતી.

ભાવનગર રેલવેસ્ટેશન કે જ્યાં અસંખ્ય રેલ મુસાફરો આવન-જાવન કરતા હોય છે. ત્યા આ મહિલાઓ ત્રણ પેઢીઓથી કુલી તરીકે કામ કરી રહી છે તે જોઇ ઘણા મુસાફરોને અવશ્ય નવાઇ લાગે છે. લાખો મુસાફરોના માલ સામાનને મહિલાઓ રેલ્વે પ્લેટફોર્મ પરથી લઇ ઓટો રીક્ષા સુધી પહોચાડે છે.

ભાવનગર રેલવે સ્ટેશન પર ખાસ કરીને સાપ્તાહિક ટ્રેન આવે અને જાય ત્યારે ખાસ મજૂરી મળી રહેતી હોય છે.આ સ્ટેશન પર એવી પણ મહિલાઓ છે જેમને પહેલાના સમયમાં ૨૫ પૈસા, ૫૦ પૈસા અને એક રૂપિયામાં પણ મજૂરી કામ કરી ગયેલ છે. આજના સમયમાં સ્ટેશન પર કુલી તરીકે કામ કરતી મહિલાઓને 30 થી ૪૦ રૂપિયા મજુરી મુસાફરો પાસેથી મળે છે. 

જો કોઈ દિવસે મજૂરી અપૂરતી મળતી હોય તો પણ નિરાશ થતી નથી. આ ઉપરાંત રેલવેસ્ટેશન પર કામ કરતા મહિલા કુલી તરફથી માનવતાના દર્શન પણ નજરે પડે છે. કોઈ પરિવાર કુલીને આપવાના પૈસા પૂરતા નાં હોય તે જે પૈસા મજૂરી પેટે આપે તે લઇ ખુશ થાય છે. રેલવે સ્ટેશન મહિલા કુલી તરફથી કોઈ વિકલાંગ વ્યક્તિ હોય તેમને પણ મદદ કરવામાં આવે છે. વ્હીલ ચેર મારફત તેમને તેમની જગ્યા સુધી પહોચાડવામાં આવે છે.