ગુજરાતમાં 3 થી 6 મે દરમિયાન ક્યાં જિલ્લામાં પડશે કમોસમી વરસાદ?

ગુજરાતમાં તાપમાનનો પારો ઉંચકાતા હવામાન વિભાગે હિટવેવની આગાહી કરી છે. ત્રણ દિવસ બાદ ગરમીથી રાહત મળે તેવી શક્યતા છે. કેટલાક જિલ્લાઓમાં 3 થી 6 મે દરમિયાન કમોસમી વરસાદ થવાની હવામાન વિભાગે આગાહી કરી છે. ભીષણ ગરમી વચ્ચે કરાં સાથે માવઠું થવાની હવામાન વિભાગે શક્યતા વ્યક્ત કરી છે. વાતાવરણમાં પલટો આવતાં મહત્તમ તાપમાન 4 થી 5 ડિગ્રી તાપમાન ઘટવાની શક્યતાએ ગરમીથી રાહત મળશે. 

હવામાન વિભાગે ગુજરાતમાં ભીષણ ગરમી સાથે માવઠાની આગાહી કરી છે. હવામાન વિભાગના ડાયરેક્ટર એ.કે.દાસે જણાવ્યુ કે, કચ્છ, મોરબી, રાજકોટ, બોટાદ, સુરેન્દ્રનગર, અમદાવાદમાં 30 એપ્રિલે હીટવેવની આગાહી કરવામાં આવી હતી. આગામી 3 થી 6 મે દરમિયાન રાજ્યના કેટલાક જિલ્લામાં કમોસમી થશે. બે ત્રણ દિવસ બાદ મહત્તમ તાપમાન 2 થી 4 ડિગ્રી ઘટી જશે. 72 કલાક બાદ વેસ્ટર્ન ડિસ્ટર્બન્સ સક્રિય થવાથી રાજ્યમાં પ્રિ-મોન્સૂન એક્ટિવિટી શરૂ થશે. જેના કારણે 3 થી 6 મેના રોજ 40 કિલોમીટર ઝડપે પવન સાથે હળવાથી મધ્યમ વરસાદ થશે.

 

ક્યાં જિલ્લામાં ક્યારે માવઠું થશે?

3 મેના રોજ કચ્છ, બનાસકાંઠા અને સાબરકાંઠામાં કમોસમી વરસાદ થશે. જ્યારે 4 મેના રોજ કચ્છ, બનાસકાંઠા, પાટણ, મહેસાણા, સાબરકાંઠા, અરવલ્લી, મહીસાગર, દાહોદ, પંચમહાલ, વડોદરા, છોટાઉદેપુર, અમરેલી, ભાવનગરમાં ગાજગીજ સાથે હળવાથી મધ્યમ વરસાદ થશે.

5 મેના રોજ કચ્છ, બનાસકાંઠા, પાટણ, મહેસાણા, સાબરકાંઠા, અરવલ્લી, મહીસાગર, દાહોદ, પંચમહાલ, વડોદરા, છોટાઉદેપુર, નર્મદા, તાપી, સુરત, નવસારી, ડાંગ, વલસાડ, દમણ, દાદરા નગર હવેલી, ગીર સોમનાથ, અમરેલી, ભાવનગર, દીવમાં માવઠું થવાની આગાહી કરવામાં આવી છે.

6 મેના રોજ બનાસકાંઠા, સાબરકાંઠા, અરવલ્લી, મહીસાગર, દાહોદ, પંચમહાલ, વડોદરા, છોટાઉદેપુર, ભરૂચ, નર્મદા, સુરત, તાપી, નવસારી, ડાંગ, વલસાડ, દમણ, દાદરા નગર હવેલી, પોરબંદર, રાજકોટ, જુનાગઢ, અમરેલી, ભાવનગર, ગીર સોમનાથ અને દીવમાં ગાજવીજ સાથે વરસાદ થશે.

રાજકોટ શહેર સૌથી વધુ ગરમ રહ્યું

રાજ્યમાં સૌથી વધુ મહત્તમ તાપમાન રાજકોટમાં 44.9 ડિગ્રી નોંધાયું હતું. ભુજમાં 41.8 ડિગ્રી, સુરેન્દ્રનગરમાં 43.9 ડિગ્રી, ડીસામાં 41.6 ડિગ્રી, અમદાવાદમાં 44.8 ડિગ્રી, ગાંધીનગરમાં 44 ડિગ્રી, અમરેલીમાં 44.5 ડિગ્રી, વડોદરામાં 42.4 ડિગ્રી મહત્તમ તાપમાન નોંધાયું હતું.

હવામાન નિષ્ણાત પરેશ ગોસ્વામી પણ આગાહી
પરેશ ગોસ્વામીએ જણાવ્યુ કે, હીટવેવ અને ભીષણ ગરમીના રાઉન્ડ બાદ હવે ગુજરાતના વાતાવરણમાં પલટો આવશે. 3 મે 2025 થી 10 મે 2025 વચ્ચે રાજ્યના અનેક વિસ્તારોમા ગાજવીજ અને પવન સાથે માવઠું થશે. કેટલાક વિસ્તારોમાં કરાં પડવાની શક્યતા છે. દક્ષિણ પાકિસ્તાન ઉપર સાયક્લોનિક સિસ્ટમ બની હોવાથી 3 થી 9 મે વચ્ચે માવઠું થશે. સૌરાષ્ટ્ર, ઉત્તર ગુજરાત તેમજ પૂર્વ કચ્છમાં તેની વિશેષ અસર જોવા મળશે. ભારે પવન સાથે માવઠું થવાની શક્યતા હોવાથી બાગાયતી પાકોને નુકસાન થવાની સંભાવના છે.