સ્વામિનારાયણ ગૃપોમાં વાયરલ પીડીએફમાં શું લખાયું ?

પૂજ્ય શ્રી જલારામબાપા વિષે વિવાદાસ્પદ ટિપ્પણીનો મામલે રઘુવંશી સમાજમાં ભારે રોષ જોવા મળી રહ્યો છે.  સ્વામિનારાયણ સંપ્રદાયના જ્ઞાનપ્રકાશ સ્વામીએ  બફાટ કર્યો હતો કે ગુણાતીતાનંદ સ્વામી દ્વારા તમારી જગ્યાની સ્થિતિ અને કીર્તિ દિન પ્રતિદિન વધતી જશે તેવા આશીર્વાદ આપ્યા હતા. ગુણાતીતાનંદ સ્વામીએ  જલારામબાપાને આર્શીવાદ આપી કાયમી ભંડારો ભરેલો રહશે તેવું નિવેદન  જ્ઞાનપ્રકાશ કર્યું હતું. આ નિેવદન બાદ રઘુવંશી સમાજ તેમજ જલારામબાપાના ભક્તોમાં રોષ જોવા મળ્યો છે તો વિરપુર પંથકના લોકોમાં પણ ભારે રોષ જોવા મળ્યો છે. આ મામલે આજે વીરપુર ખાતે ખાસ બેઠક પણ મળી હતી જેમાં 24 કલાકમાં જ્ઞાનપ્રકાશ વીરપુર આવીને માફી માગે તેવી માંગ કરવામાં આવશે. બીજી તરફ  સ્વામિનારાયણ ભક્તોના ગ્રુપમાં PDF શેર કરવામાં આવી છે. જેમાં સંતશ્રી જલારામ બાપાના જીવનચરિત્ર પરચાનો અમર ઇતિહાસ નામના પુસ્તકના કેટલાક અંશો શેર કરવામાં આવ્યા હતા.પીડીએફમાં જણાવાયું છે જલારાબ બાપાને શત શત વંદન, સત્યને સમજનારા સજ્જનોને ખાસ ભલામણ તથા એમ પણ જણાવાયું છે કે સ્વામિનારાયણ સંપ્રદાયને બદનામ કરવાનું કાવતરું કરનારને જલારામ બાપા માફ કરે તેવી પ્રાર્થના 

બીજી તરફ PDFમાં અખબારના કટિંગ પણ શેર કરવામાં આવ્યા છે. આ પુસ્તકમાં ગુણાતીતાનંદ સ્વામી દ્વારા વીરપુર ખાતે વિસામો લીધો હોવાનો ઉલ્લેખ કરવામાં આવ્યો છે. સંત શ્રી જલારામ દ્વારા ગુણાતીતાનંદ સ્વામી સહિતના સંત મંડળને જમાડ્યા હોવાનો ઉલ્લેખ કરવામાં આવ્યો છે

ઉલ્લેખનિય છે કે સ્વામિનારાયણ સંપ્રદાયના સ્વામી જ્ઞાનપ્રકાશે સુરતના અમરોલી ખાતેના એક સત્સંગ દરમિયાન જલારામ બાપા વિશે કરેલી વિવાદાસ્પદ ટિપ્પણીને કારણે રઘુવંશી સમાજમાં ભારે આક્રોશ ફેલાયો છે.  સ્વામીના નિવેદન બાદ જલારામ બાપાના સૌરાષ્ટ્રના તમામ ભક્તોમાં રોષ જોવા મળ્યો છે. આ મામલે વિરપુર ગ્રામ પંચાયતમાં મળેલી બેઠકમાં આજે અને આવતીકાલે 2 દિવસ વિરપુર બંધ રાખવાનો નિર્ણય લેવાયો છે. આજે વીરપુર ખાતે બેઠક પણ યોજાશે જેમાં જ્ઞાનપ્રકાશ વીરપુર આવીને માફી માગે તેવી માંગ કરવામાં આવશે.

જો કે વિવાદ વધતાં જ્ઞાનપ્રકાશ સ્વામીએ માફી તો માગી છે અને વિવાદસ્પદ વીડિયો ડિલિટ કરી દીધો છે. બીજી તરફ વિરપુર જલારામમાં રહેતા ભક્તોમાં રોષ ફેલાયો છે અને સ્વામીએ જે સાહિત્યના આધારે નિવેદન કર્યું છે એ સાહિત્ય લઈને વીરપુર આવવા આમંત્રણ આપ્યું છે, સાથે આ મામલે આગામી રણનીતિ નક્કી કરવા માટે એક બેઠક પણ બોલાવવામાં આવી છે.

ઉલ્લેખનિય છે કે વડતાલ સંપ્રદાય સાથે સંકળાયેલા જ્ઞાનપ્રકાશ સ્વામીએ સત્સંગમાં કહ્યું હતું કે જલારામ બાપાનો ઈતિહાસ ગુણાતીત સ્વામી સાથે જોડાયેલો છે. "ગુણાતીત સ્વામીએ જલા ભગતને આશીર્વાદ આપ્યા હતાં," એમ જ્ઞાનપ્રકાશ સ્વામીએ જણાવ્યું. તેમણે વધુમાં ઉમેર્યું, "જલારામ બાપાએ સદાવ્રત માટે ગુણાતીત સ્વામી પાસે આશીર્વાદ માગ્યા હતા કે ‘સ્વામી, મારું એકમાત્ર લક્ષ્ય કે ઇચ્છા છે કે અહીં કાયમ માટે સદાવ્રત ચાલે અને જે કોઈ અહીં આવે, એને પ્રસાદ મળે."

તેમણે કહ્યું, "જલા ભગતે ગુણાતીત સ્વામીને બાટી અને દાળ જમાડ્યા... ગુણાતીત સ્વામીએ જલા ભગતને આશીર્વાદ આપ્યા હતા કે તમારો ભંડાર કાયમ માટે ભર્યો રહેશે." નોંધનીય છે કે આ નિવેદનથી જલારામ બાપાના ભક્તોનું મન દુઃખી થઈ ગયું છે.