પોલીસ ભરતીમાં વધુ એક યુવાને ગુમાવ્યો જીવ

પોલીસ ભરતીમાં વધુ એક યુવાને પોતાનો જીવ ગુમાવ્યો. સુરતની ઘટના બાદ જૂનાગઢમાં પોલીસ ભરતીમાં આવેલા 32 વર્ષના યુવાનનું મોત થતાં શોકનો માહોલ જોવા મળી રહ્યો છે. મૌલિક બારૈયા નામના યુવક PSIની ભરતીની શારીરિક પરીક્ષા આપવા આ યુવાન આવ્યો હતો. એક રાઉન્ડમાં યુવાન નાપાસ થયો હતો. પરીક્ષા આપી પોતાના મિત્રના ઘરે ગયો ત્યારે તેને હાર્ટ અટેક આવ્યો હતો અને તેનું મોત થયું હતું.

ગઇ કાલે સુરતમાં પણ આવી જ એક ઘટના ઘટી હતી. જેમાં પોલીસ ભરતી માટે દોડ માટે આવેલા યુવકનું દોડતા સમયે એકાએક ઢળી પડ્યો હતો.આથી હાજર પોલીસ સ્ટાફ દોડી આવી યુવાનને સારવાર માટે હોસ્પિટલ ખસેડ્યો હતો. જોકે, ફરજ પરના ડોક્ટરે તેને મૃત જાહેર કર્યો હતો.આ અગાઉ પણ આવી અનેક ઘટનાઓ સામે આવી છે જેમાં દોડ સમયે યુવકોએ જીવ ગુમાવ્યો હતો.